കോഴിക്കോട്: പൊതുവിദ്യാഭ്യാസ വകുപ്പ് അറബിക് യൂനിറ്റിന്റെ ആഭിമുഖ്യത്തില്‍ അന്താരാഷ്ട്ര അറബി ഭാഷാ ദിനാചരണത്തിന്റെ സംസ്ഥാനതല ഉദ്ഘാടനം നാളെ രാവിലെ 10ന് കോഴിക്കോട് നളന്ദ ഓഡിറ്റോറിയത്തില്‍ നടക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു. മേയര്‍ തോട്ടത്തില്‍ രവീന്ദ്രന്‍ ഉദ്ഘാടനം ചെയ്യും. സമ്മേളനത്തില്‍ എം.കെ മുനീര്‍ എം.എല്‍.എ അധ്യക്ഷനാകും. 11ന് നടക്കുന്ന അറബി ഭാഷാ സെമിനാര്‍ എം.കെ രാഘവന്‍ എം.പി ഉദ്ഘാടനം ചെയ്യും. ഹജ്ജ് കമ്മിറ്റി ചെയര്‍മാന്‍ സി. മുഹമ്മദ് ഫൈസി മുഖ്യാതിഥിയാകും. നഗരസഭാ വിദ്യാഭ്യാസ സ്ഥിരംസമിതി ചെയര്‍മാന്‍ എം. രാധാകൃഷ്ണന്‍ അധ്യക്ഷനാകും. ഒരു മണിക്ക് നടക്കുന്ന സമാപന സമ്മേളനം ജില്ലാ പഞ്ചായത്ത് പ്രസിഡന്റ് ബാബു പറശ്ശേരി ഉദ്ഘാടനം ചെയ്യും. ഡി.ഡി.ഇ ഇ.കെ സുരേഷ്‌കുമാര്‍, ടി. ഷറഫുദ്ദീന്‍, കെ. സുലൈഖ, ടി. ഉമ്മര്‍ ചെറൂപ്പ, എ. അബ്ദുല്‍ റഹീം, എം.പി അബ്ദുല്‍ ഖാദര്‍, പി.പി ഫിറോസ്, കെ. അബ്ദുല്‍ ലത്തീഫ് തുടങ്ങിയവര്‍ വാര്‍ത്താസമ്മേളനത്തില്‍ പങ്കെടുത്തു.