തൃപ്പൂണിത്തുറ: സെപ്റ്റംബര്‍ രണ്ടിന് സംയുക്ത ട്രേഡ് യൂണിയന്‍ സമിതി നടത്തുന്ന ദേശീയ പണിമുടക്കിന്റെ ഭാഗമായി തൃപ്പൂണിത്തുറയില്‍ നടത്തിയ തൊഴിലാളി സംഗമത്തില്‍ ആയിരങ്ങള്‍ പങ്കാളിയായി. രാവിലെ 10 മണി മുതല്‍ വൈകിട്ട് എഴ് വരെ ലായം കൂത്തമ്പലത്തിലാണ് സംഗമം നടന്നത്. സി.ഐ.ടി.യു സംസ്ഥാന പ്രസിഡണ്ട് ആനത്തലവട്ടം ആനന്ദന്‍ സംഗമം ഉദ്ഘാടനം ചെയ്തു.
ഐ എന്‍ ടി യു സി ജില്ല പ്രസിഡണ്ട് കെ കെ ഇബ്രാഹിം കുട്ടി അധ്യക്ഷനായി. വിവിധ ട്രേഡ് യൂണിയന്‍ നേതാക്കളായ വി പി ജോര്‍ജ്, കെ.ജെ ജേക്കബ്,ജോണ്‍ ലൂക്കോസ്, കെ ചന്ദ്രശേഖരന്‍, എന്‍ ആര്‍ മോഹന്‍കുമാര്‍, കെ ടി വി മ ല ന്‍, ജി ബി  ഭട്ട്, മനോജ് പെരുമ്പിള്ളി, ടി ബി  മിനി, ചാള്‍സ് ജോര്‍ജ്, കെ എം സാദത്ത്, കെ എന്‍ ഗോപിനാഥ്, കെ എന്‍ ഗോപി ,ഷാഹുല്‍ ഹമീദ്, ഫാരിഷ എന്നിവര്‍ സംസാരിച്ചു.