തിരുവനന്തപുരം: ഡല്‍ഹിയില്‍നിന്ന് ഹരിയാനയിലേക്കുള്ള യാത്രാമധ്യേ ട്രെയിനില്‍ വച്ച് ആര്‍.എസ്.എസുകാര്‍ കൊലപ്പെടുത്തിയ ഹരിയാനയിലെ ജുനൈദിന്റെ കുടുംബത്തിന് സി.പി.എം പത്തുലക്ഷം രൂപ ധനസഹായം നല്‍കും. പാര്‍ട്ടി സംസ്ഥാന കമ്മിറ്റിയിലാണ് ധനസഹായം നല്‍കുന്നതു സംബന്ധിച്ച തീരുമാനമെടുത്തത്. കഴിഞ്ഞ ദിവസം ജുനൈദിന്റെ കുടുംബം ഡല്‍ഹിയില്‍ മുഖ്യമന്ത്രി പിണറായി വിജയനെ സന്ദര്‍ശിച്ചിരുന്നു. വൃന്ദാകാരാട്ടിനൊപ്പം മുഖ്യമന്ത്രിയെ സന്ദര്‍ശിച്ച കുടുംബം കുട്ടികളുടെ വിദ്യാഭ്യാസം ഉള്‍പ്പെടെയുള്ള കാര്യങ്ങള്‍ക്ക് സഹായം അഭ്യര്‍ഥിച്ചിരുന്നു.പാര്‍ട്ടി കേന്ദ്ര കമ്മിറ്റി വഴി ഈ തുക ജുനൈദിന്റെ കുടുംബത്തിന് നല്‍കും.