ദമാം: കിഴക്കന്‍ സഊദിയിലെ അല്‍ഹസയിലുണ്ടായ വാഹനാപകടത്തില്‍ മലയാളി എന്‍ജിനിയര്‍ മരിച്ചു. തൃശൂര്‍ കുന്നംകുളം കരിക്കാട് വയരാന്‍ മരുതി ഹൗസില്‍ ഷഹബാസ് (31) ആണ് ഉദലിയ്യയിലുണ്ടായ കാറപകടത്തില്‍ മരിച്ചത്.

ഇന്നലെ രാവിലെ പത്തു മണിയോടെ ഷഹബാസ് ഓടിച്ച കാര്‍ ട്രെയിലറില്‍ ഇടിക്കുകയായിരുന്നു. സംഭവ സ്ഥലത്തുവച്ചു തന്നെ മരണം സംഭവിച്ചു. മൃതദേഹം ഹുഫൂഫ് കിംഗ് ഫഹദ് ആശുപത്രി മോര്‍ച്ചറിയിലേക്ക് മാറ്റി.

അയ്യൂബ് ഖാന്‍ആബിദ ദമ്പതികളുടെ മകനാണ്. ഭാര്യയും മൂന്നു വയസ്സിനു താഴെ പ്രായമുള്ള രണ്ടു പെണ്‍മക്കളുമുണ്ട്. അരാംകോ സബ് കോണ്‍ട്രാക്ട് കമ്പനി എന്‍ജിനീയറായ ഷഹബാസ് കുടുംബ സമേതം അബ്‌ഖൈകിലാണ് താമസിക്കുന്നത്. അനുജനും കുടുംബവും ഭാര്യാ സഹോദരിയും ഇവിടെയുണ്ട്.