അര്‍ഹപ്പെട്ട അംഗീകാരം കിട്ടാതെ പോയ ഒരു വലിയ മനുഷ്യനായ കെ.ടി.സി ബീരാനെ പരിചയപ്പെടുത്താന്‍ കനിവ് കാണിച്ച 'ഞായര്‍ പ്രഭാത'ത്തിന്റെ (ലക്കം 150) അണിയറശില്‍പികള്‍ക്കു നന്ദി. നാടിന്റെയും നാട്ടുകാരുടെയും ക്ഷേമത്തിനും പുരോഗതിക്കും വേണ്ടി തന്റെ യുവത്വം ഉഴിഞ്ഞുവച്ച നാട്യങ്ങളില്ലാത്ത ഒരു പച്ചമനുഷ്യനാണ് അദ്ദേഹം. ലേഖകന്‍ സൂചിപ്പിച്ചതുപോലെ 'ചരിത്ര പുസ്തകങ്ങളും ഗവേഷകരുമെല്ലാം മറന്ന' ആ ചരിത്രപുരുഷനെ പുതിയ തലമുറക്കു പരിചയപ്പെടാന്‍ അവസരമൊരുക്കിയത് അഭിനന്ദനാര്‍ഹമാണ്.