വേങ്ങര: ക്ലാസ് കഴിഞ്ഞു മടങ്ങുന്ന യുവതിയുടെ കഴുത്തില്‍ നിന്നും ഗുഡ്‌സ് ഓട്ടോയിലെത്തിയ യുവാവ് താലിമാല പൊട്ടിച്ചെടുത്തു.
വലിയോറ മനാട്ടിപ്പറമ്പിലെ തെരുവത്ത് പ്രകാശന്റെ ഭാര്യ വിജി (25) യുടെ കഴുത്തില്‍ നിന്നാണ് അഞ്ചര പവന്‍ സ്വര്‍ണമാല കവര്‍ന്നത്. കഴിഞ്ഞ ദിവസം ഉച്ചയോടെ പറമ്പില്‍ പടി മനാട്ടിപ്പറമ്പ് റോഡിലാണ് സംഭവം. ഓട്ടോയിലെത്തിയ യുവാവ് വഴി ചോദിക്കാനായി യുവതിയുടെ അടുത്തെത്തുകയും മാല പൊട്ടിച്ചോടുകയുമായിരുന്നു. വേങ്ങര പൊലിസില്‍ പരാതി നല്‍കി.