കരുവാരക്കുണ്ട്: സെപ്റ്റംബര്‍ 15,16 തിയതികളില്‍ കരുവാരകുണ്ട് ദാറുന്നജാത്ത് കാംപസില്‍ ഖുര്‍തുബ നഗരിയില്‍ നടക്കുന്ന എസ്.കെ.എസ്.എസ്.എഫ് ജില്ല ത്വലബ കോണ്‍ഫറന്‍സിനുള്ള സ്വാഗതസംഘം രൂപീകരിച്ചു. ഭാരവാഹികള്‍: പാണക്കാട് സയ്യിദ് ഹമീദലി ശിഹാബ് തങ്ങള്‍ (മുഖ്യരക്ഷാധികാരി), സയ്യിദ് ഫഖ്‌റുദ്ദീന്‍ ഹസനി തങ്ങള്‍ കണ്ണന്തളി(ചെയര്‍മാന്‍), നൂറൂദ്ദീന്‍ യമാനി തൃപ്പനച്ചി(വര്‍. ചെയര്‍), ശഹീര്‍ അന്‍വരി പുറങ്ങ്(ജന. കണ്‍വീനര്‍), അബ്ദുല്ല മുജ്തബ ആനക്കര(വര്‍. കണ്‍വീനര്‍). കെ.ടി മാനു മുസ്‌ലിയാര്‍ കണ്‍വന്‍ഷന്‍ സെന്ററില്‍ നടന്ന യോഗം സയ്യിദ് ഒ.എം.എസ് തങ്ങള്‍ നിസാമി മേലാറ്റൂര്‍ ഉദ്ഘാടനം ചെയ്തു. ജില്ലാ പ്രസിഡന്റ് സയ്യിദ് ഫഖ്‌റുദ്ദീന്‍ ഹസനി തങ്ങള്‍ അധ്യക്ഷനായി. 

ശഹീര്‍ അന്‍വരി പുറങ്ങ്, ശമീര്‍ ഫൈസി ഒടമല, കെ.ടി മൊയ്തീന്‍ ഫൈസി തുവ്വൂര്‍, സി.പി ബാസിത് ഹുദവി തിരൂര്‍, എന്‍.കെ അബ്ദുറഹ്മാന്‍ ഹാജി, അലവി, മുജ്തബ ആനക്കര, അസ്‌കര്‍ ദാരിമി തുവ്വൂര്‍ സംസാരിച്ചു.