കോട്ടയം: മുസ്‌ലിം ലീഗ് കോട്ടയം നിയോജകമണ്ഡലം കമ്മിറ്റിയുടെയും ടൗണ്‍ കമ്മിറ്റിയുടെയും സംയുക്താഭിമുഖ്യത്തില്‍ ഹജ്ജാജിമാര്‍ക്ക് യാത്രയയപ്പ് നല്‍കി. നിയോജകമണ്ഡലം പ്രസിഡന്റ് എ.എ ലത്തീഫിന്റെ അധ്യക്ഷതയില്‍ ചേര്‍ന്ന യോഗം സംസ്ഥാന വൈസ് പ്രസിഡന്റ് പി.എച്ച് അബ്ദുള്‍ സലാം ഉദ്ഘാടനം ചെയ്തു.
ഇല്ലിക്കല്‍ ജുമാമസ്ജിദ് ഇമാം കടയ്ക്കല്‍ നിസാമുദീന്‍ മൗലവി മുഖ്യ പ്രഭാഷണം നടത്തി. തിരുനക്കര പുത്തന്‍ പള്ളി ഇമാം താഹ മൗലവി, സേട്ട് ജുമാ മസ്ജിദ് ഇമാം മുഹമ്മദ് സാദിഖ് മൗലവി അനുഗ്രഹ പ്രഭാഷണവും നടത്തി.
ഈ വര്‍ഷം ഹജ്ജിന് പുറപ്പെടുന്ന മുസ്‌ലിം ലീഗ് ജില്ലാ ജന.സെക്രട്ടറി അസീസ് ബഡായില്‍, എം.കെ ഖാദര്‍, എം.പി.എം മിസ്ഹാബ്ഖാന്‍,നെഫി നാസര്‍, എ.കെ റഷീദ്, പി.എം ഹമീദ്, ഷാനവാസ്, പി.കെ ഷരീഫ് മേത്തര്‍, തുടങ്ങിയവര്‍ക്ക് യോഗത്തില്‍ യാത്രയയപ്പ് നല്‍കി. ജില്ലാ മുസ്‌ലിം ലീഗ് പ്രസിഡന്റ് പി.എം ഷരീഫ്, ട്രഷററ് പി.എം സലിം, സെക്രട്ടറിമാരായ പി.ഇ അബ്ദുല്‍ കരീം, കെ.കെ കൊച്ചുണ്ണി, മുഹമ്മദ് സിയ, നഗരസഭാ കൗണ്‍സിലര്‍ കുഞ്ഞുമോന്‍ കെ.മേത്തര്‍, കര്‍ഷക സംഘം സംസ്ഥാന സെക്രട്ടറി പി.പി മുഹമ്മദ്കുട്ടി,നിയോജകമണ്ഡലം ജനറല്‍ സെക്രട്ടറി ഫാറൂഖ് പാലപ്പറമ്പില്‍, ടൗണ്‍ കമ്മിറ്റി പ്രസിഡന്റ് മുഹമ്മദ് റഫീഖ്, സെക്രട്ടറി കെ.പി ഇസ്മയില്‍ സംസാരിച്ചു.