വൈക്കം: കേരള പുലയര്‍ മഹാസഭാ ജില്ലാ സമ്മേളനം ഇന്ന് വൈക്കത്ത്. ടി.ടി ബിനു നഗറില്‍ നടക്കുന്ന സമ്മേളനം ഡെപ്യൂട്ടി സ്പീക്കര്‍ വി.ശശി ഉദ്ഘാടനം ചെയ്യും. വൈക്കം ബാബു അധ്യക്ഷനാകും. മഹാസഭ സംസ്ഥാന പ്രസിഡന്റ് മുണ്ടുകോട്ടയ്ക്കല്‍ സുരേന്ദ്രന്‍ മുഖ്യപ്രഭാഷണം നടത്തും.
ജനറല്‍ സെക്രട്ടറി പി.എം വിനോദ് സഭാസന്ദേശം നല്‍കും. സി.കെ ആശ എം.എല്‍.എ, നഗരസഭാ വൈസ് ചെയര്‍മാന്‍ നിര്‍മ്മലാ ഗോപി സംസാരിക്കും.
യുവജനവനിതാസമ്മേളനം പുഷ്പകുമാര്‍ ഉദ്ഘാടനം ചെയ്യും. കെ. ശിവദാസന്‍ മുഖ്യപ്രഭാഷണം നടത്തും. പി. പ്രദീപ്,മോനിച്ചന്‍ ചങ്ങനാശ്ശേരി തുടങ്ങിയവര്‍ പ്രസംഗിക്കും.
വൈക്കം: കേന്ദ്ര സര്‍ക്കാരിന്റെ ഡിജിറ്റല്‍ ഇന്ത്യാ സര്‍വിസ് വിഭാഗം കേരള ഗവണ്‍മെന്റിന്റെ ചാരിറ്റി രജിസ്‌ട്രേഷന്‍ ഇന്ത്യ ട്രേഡ് മാര്‍ക്ക് സര്‍ട്ടിഫിക്കേഷനുള്ള ഡിവിഷന്‍ സെന്റര്‍ ജനസേവനകേന്ദ്രം വൈക്കത്ത് പ്രവര്‍ത്തനം ആരംഭിച്ചു.
സി.കെ ആശ എം.എല്‍.എ ഉദ്ഘാടനം ചെയ്തു. നഗരസഭ ചെയര്‍പേഴ്‌സണ്‍ എസ്. ഇന്ദിരാദേവി ദീപപ്രകാശനം നിര്‍വഹിച്ചു.
കൗണ്‍സിലര്‍മാരായ വി.വി സത്യന്‍, ആര്‍.സന്തോഷ്, ജനസേവനകേന്ദ്രം ചെയര്‍മാന്‍ കല്ലാര്‍ ഹരികുമാര്‍, ജില്ലാ മാനേജര്‍ സുരേഷ് ആര്‍.പിള്ള, ഡിവിഷണല്‍ മാനേജര്‍ കെ.പി ദിനേഷ്, അക്കരപ്പാടം ശശി സംസാരിച്ചു .