അമ്പലപ്പുഴ: എസ്.വൈ.എസ്, എസ്.കെ.എസ്.എസ്.എഫ് അമ്പലപ്പുഴ മേഖലാ കമ്മിറ്റിയുടെ ആഭിമുഖ്യത്തില്‍ സംഘടിപ്പിക്കുന്ന റൈഹാന്‍ 2018ന് ഇന്ന് പുന്നപ്ര ശംസുല്‍ ഉലമ നഗറില്‍ തുടക്കമാകുമെന്ന് ഭാരവാഹികളായ സയ്യിദ് അബ്ദുല്ലാഹ് തങ്ങള്‍ അല്‍ ഐദറൂസി, അഹമ്മദ് നീര്‍ക്കുന്നം, ഷംസുദ്ദീന്‍ വി.എസ്, അഹ്മദ് ഖാസിമി, അഷ്‌റഫ് ഹാഷിം, ഇബ്രാഹിം കുട്ടി വിളക്കേഴം, അബ്ദുല്‍ ജബ്ബാര്‍ കൂടോത്തറ, ഷാഹുല്‍ ഹമീദ്, അബ്ദുല്‍ അസീസ് എന്നിവര്‍ അറിയിച്ചു.
മൂന്നു ദിവസങ്ങളിലായി പുന്നപ്രയില്‍ നടക്കുന്ന പരിപാടിയില്‍ സ്വീകരണ സമ്മേളനം, മതപ്രഭാഷണം മജ്‌ലിസുന്നൂര്‍ ആത്മീയ സദസ് എന്നിവ നടക്കും വൈകിട്ട് 6.30ന് പുന്നപ്ര എം.ഇ.എസ് ഗ്രൗണ്ടില്‍ കുഞ്ഞുമുഹമ്മദ് ബാഖവിയുടെ ദുആയോടെ സമ്മേളനത്തിന് തുടക്കമാകും. സയ്യിദ് അലിയാര്‍ തങ്ങള്‍ അല്‍ ബുഖാരി കാസര്‍കോട് ഉദ്ഘാടനം ചെയ്യും. സയ്യിദ് അബ്ദുല്ലാഹ് തങ്ങള്‍ അല്‍ ഹഐദറൂസി അധ്യക്ഷനാകും. അന്‍വര്‍ മുഹിയുദ്ദീന്‍ ഹുദവി ആലുവ മുഖ്യ പ്രഭാഷണം നടത്തും. അഹമ്മദ് അല്‍ ഖാസിമി, ഹനീഫ ബാഖവി, പി.എ ഷിഹാബുദ്ദീന്‍ മുസ്‌ലിയാര്‍, നിസാമുദ്ദീന്‍ ഫൈസി, മജീദ്കുന്നപ്പള്ളി എന്നിവര്‍ പ്രസംഗിക്കും.
നാളെ വൈകിട്ട് 6.30ന് അബ്ദുല്‍ അസീസ് അല്‍ ഖാസിമി ദുആ നടത്തും. യു. അഷ്‌റഫ് അധ്യക്ഷനാകും. സക്കീര്‍ ഹുസൈന്‍ അസ്ഹരി ആറാട്ടുപുഴ ആമുഖ പ്രഭാഷണം നടത്തും. റഹ്മത്തുല്ലാഹ് ഖാസിമി മൂത്തേടം മുഖ്യ പ്രഭാഷണം നടത്തും. തുടര്‍ന്ന് മജ്‌ലിസുന്നൂര്‍ നടക്കും. സയ്യിദ് ഹദിയത്തുല്ലാഹ് തങ്ങള്‍ അല്‍ ഐദറൂസി നേതൃത്വം നല്‍കും.
17ന് വൈകിട്ട് 6.30ന് നടക്കുന്ന സമ്മേളനം സമസ്ത കേരളാ ജംഇയ്യത്തുല്‍ ഉലമ പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. സയ്യിദ് അബ്ദുല്ലാഹ് തങ്ങള്‍ ദാരിമി അധ്യക്ഷനാകും. അബ്ദുല്‍ റഹ്മാന്‍ അല്‍ ഖാസിമി ദുആക്ക് നേതൃത്വം നല്‍കും. ഐ.ബി ഉസ്മാന്‍ ഫൈസി ആദരിക്കും. സിംസാറുല്‍ ഹഖ് ഹുദവി മുഖ്യ പ്രഭാഷണം നടത്തും.