മലപ്പുറം: സ്റ്റേറ്റ് എംപ്ലോയീസ് യൂനിയന്‍ (എസ്.ഇ.യു) മലപ്പുറം മണ്ഡലം കമ്മിറ്റിയുടെ നേതൃത്വത്തില്‍ മലപ്പുറം സിവില്‍ സ്റ്റേഷനില്‍ സ്ഥാപകദിനാചരണ പരിപാടികള്‍ സംഘടിപ്പിച്ചു. സംസ്ഥാന പ്രസിഡന്റ് എ.എം അബൂബക്കര്‍ ഉദ്ഘാടനം ചെയ്തു. സിവില്‍ സ്റ്റേഷനിലെ മുഴുവന്‍ ജീവനക്കാര്‍ക്കും എസ്.ഇ.യു സംഘടനയുടെ ചരിത്രം അടങ്ങുന്ന ലഘുലേഖയും മധുരവും നല്‍കികൊണ്ടാണ് പരിപാടി സംഘടിപ്പിച്ചത്.

ശേഷം പ്രധാന കവാടത്തിന് സമീപം പതാക ഉയര്‍ത്തി. മണ്ഡലം പ്രസിഡന്റ് പി. അഷ്‌റഫ് അധ്യക്ഷനായി. ജില്ലാ പ്രസിഡന്റ് കെ.അബ്ദുല്‍ ബഷീര്‍ സ്ഥാപകദിന സന്ദേശനം അവതരിപ്പിച്ചു. ജന. സെക്രട്ടറി സി.പി അബ്ദുല്‍ നാഫിഹ, ട്രഷറര്‍ കെ.പി മുഹമ്മദ് ഹാഷിം, ജില്ലാ ഭാരവാഹികളായ മുനീര്‍ റഹ്മാന്‍, സി. ഷരീഫ്, അബ്ദു റഹിമാന്‍, സാദിഖ് വെള്ളില, ടി.പി ശശികുമാര്‍, ഗഫൂര്‍, മണ്ഡലം ഭാരവാഹികളായ മുഹമ്മദ് റിയാസ്, അന്‍വര്‍ ജുമാന്‍, മുഹമ്മദ് സെയ്ത്, ഹാരിസ്, അമീനുസ്സമാന്‍, മുഹമ്മദ് റിയാസ്, കമാല്‍ ഇരുമ്പുഴി, അബ്ദുല്‍ റഷീദ്, റാഷിദലി, ഹാരിഫ് സംബന്ധിച്ചു.