മീററ്റ്: മീററ്റില്‍ ദേശീയ വനിതാ റസ്‌ലിങ് താരം അപമാനത്തിനിരയായതായി പരാതി. സംഭവത്തില്‍ പൊലിസ് അന്വേഷണം ആരംഭിച്ചിട്ടുണ്ട്. റസ്‌ലിങ് താരമായ നേഹ കശ്യപ് ആണ് മറ്റു പുരുഷ റസ്‌ലിങ് താരങ്ങളുടെ ശാരീരികാതിക്രമത്തിന് ഇരയായതായി പരാതിപ്പെട്ടത്. പുലര്‍ച്ച 5.30ന് പ്രാക്റ്റീസ് ചെയ്യുന്ന സമയത്ത് രണ്ടു പേര്‍ വന്ന് ശല്യപ്പെടുത്തുകയും തന്നെ തടഞ്ഞുവയ്ക്കുകയും ചെയ്തു. ഇത് തടയാന്‍ ശ്രമിച്ചപ്പോള്‍ തന്നെ മര്‍ദിക്കുകയായിരുന്നുവെന്നും നേഹ കശ്യപ് പറഞ്ഞു.

ഇതിനു ശേഷം താന്‍ പൊലിസില്‍ പരാതി നല്‍കുകയായിരുന്നു. എന്നാല്‍ കുറ്റക്കാര്‍ക്കെതിരേ യാതൊരു നടപടിയുമെടുത്തില്ലെന്നും അവര്‍ പറഞ്ഞു. എന്നാല്‍ സംഭവത്തെക്കുറിച്ച് അന്വേഷിക്കുകയാണെന്നും കേസ് രജിസ്റ്റര്‍ ചെയ്തിട്ടുണ്ടെന്നും മീററ്റ് പൊലിസ് സൂപ്രണ്ട് പറഞ്ഞു.