ഇരിങ്ങാലക്കുട: കഞ്ചാവുമായി രണ്ട് യുവാക്കളെ ഇരിങ്ങാലക്കുട എക്‌സൈസ് സംഘം പിടികൂടി. 25 ഗ്രാം കഞ്ചാവ് സഹിതം മുരിയാട് കൊച്ചുപറമ്പത്ത് വീട്ടില്‍ പ്രശാന്ത് (25 ), 20 ഗ്രാം കഞ്ചാവുമായി മുരിയാട് മധൂക്കര മുക്ക് വീട്ടില്‍ അജിത് (22) എന്നിവരാണ് എക്‌സൈസ് പിടിയിലായത്.
പ്രശാന്തിനെ മാടായിക്കോണം റോഡില്‍ നിന്നും അജിതിനെ കോന്തിപുലം റോഡില്‍ നിന്നുമാണ് പിടികൂടിയത്. ഇരുവരും മുന്‍പും ഇത്തരം കേസുകളില്‍ പ്രതികളാണെന്ന് എക്‌സൈസ് ഉദ്യോഗസ്ഥര്‍ പറഞ്ഞു.
എക്‌സൈസ് സി.ഐ കെ.കെ ഷിജില്‍ കുമാര്‍, ഉദ്യോഗസ്ഥരായ വിന്നി സിമേത്തി, ജയദേവന്‍, ഷൈജു, ഗോവിന്ദന്‍ ,ഡ്രൈവര്‍ ഷാജു എന്നിവരാണ് എക്‌സൈസ് സംഘത്തിലുണ്ടായിരുന്നത്.