ന്യൂയോര്‍ക്ക്: കൗമാരക്കാരിക്കെതിരെ വിമാനത്തില്‍ ലൈംഗികാതിക്രമം നടത്തിയ ഇന്ത്യന്‍ ഡോക്ടറെ അമേരിക്കയില്‍ അറസ്റ്റ് ചെയ്തു. 28കാരനായ വിജയകുമാര്‍ കൃഷ്ണപ്പ എന്ന യുവാവാണ് 16 കാരിയെ യുനൈറ്റഡ് എയര്‍ലെയ്ന്‍സ് വിമാനത്തില്‍ പീഡിപ്പിക്കാന്‍ ശ്രമിച്ചതിന്റെ പേരില്‍ അറസ്റ്റിലായത്.

ജൂലൈ 23ന് സിയാറ്റിലില്‍ നിന്നു നേവാര്‍ക്ക് ലിബര്‍ട്ടി അന്താരാഷ്ട്ര വിമാനത്താവളത്തിലേക്കുള്ള യാത്രക്കിടെയായിരുന്നു സംഭവം. പെണ്‍കുട്ടി തനിച്ചാണ് യാത്ര ചെയ്തിരുന്നത്. വിമാനത്തില്‍ ഉറങ്ങിപ്പോയ പെണ്‍കുട്ടിയുടെ ശരീരത്തില്‍ കൃഷ്ണപ്പ ബോധപൂര്‍വം സ്പര്‍ശിക്കുകയായിരുന്നെന്നാണ് പരാതി.

ഡോക്ടറുടെ പെരുമാറ്റത്തെക്കുറിച്ച് പെണ്‍കുട്ടി എയര്‍ ഹോസ്റ്റസിനോട് പരാതിപ്പെട്ടിരുന്നുവെങ്കിലും ഡോക്ടറെ മറ്റൊരു സീറ്റിലേക്ക് മാറ്റി ജീവനക്കാര്‍ പ്രശ്‌നം പരിഹരിക്കാന്‍ ശ്രമിക്കുകയായിരുന്നുവെന്നും പരാതിയില്‍ പറയുന്നു.