കൊല്ലം(കെ.ടി. മാനു മുസ്‌ലിയാര്‍ നഗര്‍): നാടിനെ ഭിന്നിപ്പിക്കാനുള്ള നീക്കം രാജ്യത്തെ ജനങ്ങള്‍ ഒറ്റക്കെട്ടായി ചെറുക്കുമെന്ന് പാണക്കാട് സയ്യിദ് സാദിഖലി ശിഹാബ് തങ്ങള്‍. 'മതം സംഘട്ടനമല്ല' മാനവീയം സിംപോസിയം ഉദ്ഘാടനം ചെയ്യുകയായിരുന്നു തങ്ങള്‍. അബ്ദുല്ല മാസ്റ്റര്‍ കൊട്ടപ്പുറം ആമുഖ പ്രഭാഷണം നടത്തി. നാസര്‍ ഫൈസി കൂടത്തായി വിഷയാവതരണം നടത്തി. സയ്യിദ് ത്വാഹാ തങ്ങള്‍, സയ്യിദ് ഒ.എം.എസ് തങ്ങള്‍, എ. സജീവന്‍ സംസാരിച്ചു. മുസ്തഫ മുണ്ടുപാറ മോഡറേറ്ററായിരുന്നു.
ഫത്‌വാ സെഷനില്‍ എസ്.കെ.ജെ.എം.സി.സി പ്രസിഡന്റ് സി.കെ.എം സ്വാദിഖ് മുസ്‌ലിയാര്‍ അനുഗ്രഹ പ്രഭാഷണം നടത്തി. അബ്ദുല്‍ഹമീദ് ഫൈസി അമ്പലക്കടവ്, അലവി ഫൈസി കുളപ്പറമ്പ്, അബ്ദുല്‍ ഗഫൂര്‍ അന്‍വരി, എം.ടി അബൂബക്കര്‍ ദാരിമി, മുസ്തഫ അശ്‌റഫി കക്കുപടി വിഷയാവതരണം നടത്തി. പുറങ്ങ് മൊയ്തീന്‍ മുസ്‌ലിയാര്‍, ശാജഹാന്‍ അമാനി കൊല്ലം സംസാരിച്ചു. പുലര്‍കാല സെഷനില്‍ സുലൈമാന്‍ ദാരിമി ഏലംകുളം ഉദ്‌ബോധനം നടത്തി.
ടുഡെ ഫോര്‍ ഫ്യൂച്ചര്‍ എസ്.ബി.വി സംഗമം മുഹമ്മദലി ശിഹാബ് ഐ.എ.എസ് ഉദ്ഘാടനം ചെയ്തു. അസീല്‍അലി ശിഹാബ് തങ്ങള്‍ അധ്യക്ഷനായി. റാശിദ് ഗസ്സാലി കുളിവയല്‍, ശാഹുല്‍ ഹമീദ് മാസ്റ്റര്‍, റഹീം ചുഴലി വിഷയമവതരിപ്പിച്ചു. റബീഉദ്ദീന്‍ വെന്നിയൂര്‍, അസ്‌ലഹ് മുതുവല്ലൂര്‍ സംബന്ധിച്ചു.