ഈരാറ്റുപേട്ട: ദലിത്, ന്യൂനപക്ഷ വിഭാഗങ്ങളുടെ സംരക്ഷകനും മലയാളി പൊതു ജീവിതത്തിലെ നിറസാന്നിധ്യവും കാലഘട്ടത്തിന്റെ ശക്തി സൗന്ദര്യമായിരുന്നു പാണക്കാട് മുഹമ്മദലി ശിഹാബ് തങ്ങളെന്ന് പാലാ രൂപതാ കോര്‍പ്പറേറ്റ് ഡയറക്ടര്‍ ഫാദര്‍ മാത്യുചന്ദ്രന്‍ കുന്നേല്‍ പറഞ്ഞു.
ഈരാറ്റുപേട്ട മുന്‍സിപ്പല്‍ മുസ്‌ലിം ലീഗ് കമ്മിറ്റി ബറക്കാത്ത് മഹല്‍ ഓഡിറ്റോറിയത്തില്‍ സംഘടിപ്പിച്ച ശിഹാബ് തങ്ങള്‍, ഉമ്മര്‍ ബാഫക്കി തങ്ങള്‍ അനുസ്മരസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.  
സമ്മേളനത്തില്‍ മുന്‍സിപ്പല്‍ ലീഗ് പ്രസിഡന്റ് വി.എച്ച്.നാസര്‍ അധ്യക്ഷനായി.
ഇമാം ഏകോപന സമിതി ചെയര്‍മാന്‍ മുഹമ്മദ് നദീര്‍ മൗലവി, ജില്ലാ മുസ്‌ലിം ലീഗ് പ്രസിഡന്റെ് പി.എം ഷെരീഫ്, കെ.എ മുഹമ്മദ് അഷറഫ്, പി.എഫ് ഷെഫീഖ്, അനി വെട്ടിക്കല്‍.കെ.എ മാഹിന്‍, വി.എം സിറാജ്, പി.ടി ബഷീര്‍ കുട്ടി സംസാരിച്ചു.