മുഹമ്മ: കഞ്ഞിക്കുഴി പഞ്ചായത്തില്‍ വര്‍ഷം മുഴുവന്‍ ജൈവ പച്ചക്കറി പദ്ധതിയുടെ ഭാഗമായി നല്‍കുന്ന അരക്കോടി പച്ചക്കറി തൈകളുടെ വിതരണം മന്ത്രി പി. തിലോത്തമന്‍ ഉദ്ഘാടനം ചെയ്തു. പഞ്ചായത്ത് പ്രസിഡന്റ് എം.ജി രാജു അധ്യക്ഷനായി. കുടുംബശ്രീ ഗ്രൂപ്പുകള്‍ക്കുള്ള വായ്പ വിതരണം പിന്നോക്ക വികസന കോര്‍പറേഷന്‍ ചെയര്‍മാന്‍ സംഗീത് ചക്രപാണി നിര്‍വഹിച്ചു. മുനിസിപ്പള്‍ ചെയര്‍മാന്‍ ഐസക് മാടവന, ബ്ലോക്ക് പ്രസിഡന്റ് സിനിമോള്‍ സോമന്‍, ജില്ലാ പ്രിന്‍സിപ്പല്‍ കൃഷി ഓഫിസര്‍ പ്രേംകുമാര്‍, കുടുംബശ്രീ മിഷന്‍ കോ-ഓഡിനേറ്റര്‍ സുജ ഈപ്പന്‍ സംസാരിച്ചു. വൈസ് പ്രസിഡന്റ് റോഷ്‌നി സുനില്‍ സ്വാഗതവും സെക്രട്ടറി ബി.എന്‍ അംബീശന്‍ നന്ദിയും പറഞ്ഞു.