നാരി ശക്തി പുരസ്‌കാരത്തിന് അപേക്ഷിക്കാം
പാലക്കാട് : അന്താരാഷ്ട്ര വനിതാ ദിനാചരണത്തിന്റെ ഭാഗമായി സ്ത്രീകളുടെ ക്ഷേമത്തിനും ഉന്നമനത്തിനും ശാക്തീകരണത്തിനുമായി മികച്ച പ്രവര്‍ത്തനങ്ങള്‍ കാഴ്ച വച്ച സ്ഥാപനങ്ങള്‍ക്കും വ്യക്തികള്‍ക്കും കേന്ദ്ര സര്‍ക്കാര്‍ ഏര്‍പ്പെടുത്തുന്ന നാരി ശക്തി പുരസ്‌കാരത്തിന് അപേക്ഷിക്കാം. ജില്ലാ പഞ്ചായത്ത്ഗ്രാമപഞ്ചായത്ത്, മറ്റ് തദ്ദേശ സ്വയംഭരണ സ്ഥാപനങ്ങള്‍, പൊതുസ്വകാര്യമേഖലാ സ്ഥാപനങ്ങള്‍, സിവില്‍ സൊസൈറ്റി ഓര്‍ഗനൈസേഷന്‍, സ്ത്രീകളുടെ വിവിധ പ്രശ്‌നങ്ങളുമായി ബന്ധപ്പെട്ട് പ്രവര്‍ത്തിക്കുന്ന സ്ഥാപനങ്ങള്‍, എന്നിവയ്ക്ക് സ്ഥാപനങ്ങളുടെ വിഭാഗത്തിലുളള 11 അവാര്‍ഡുകളുണ്ട്. സ്ത്രീകള്‍ക്കെതിരെയുളള അതിക്രമങ്ങള്‍ തടയുന്നതിനായി ധീരമായി പ്രവര്‍ത്തിച്ച വനിതകള്‍ക്കായി രണ്ട് അവാര്‍ഡുകളും സ്ത്രീകളുടെ ശാക്തീകരണത്തിനും ക്ഷേമത്തിനുമായി മികച്ച പ്രവര്‍ത്തനങ്ങള്‍ കാഴ്ചവയ്ക്കുന്ന വനിതകള്‍ക്കായി ഏഴ് അവാര്‍ഡുകളും നല്‍കുന്നു. നിശ്ചിത മാതൃകയിലുളള അപേക്ഷ, പ്രവര്‍ത്തനവുമായി ബന്ധപ്പെട്ട രേഖകള്‍ സഹിതം ആഗസ്റ്റ് 26 നകം അതത് ജില്ലാ സാമൂഹ്യ നീതി ഓഫീസര്‍ക്ക് സമര്‍പ്പിക്കണം.