ചേര്‍ത്തല: കണിച്ചുകുളങ്ങര ദേവസ്വം സ്‌കൂളില്‍ കുട്ടികളുടെ പഠന നിലവാരം ഉയര്‍ത്തുന്നതിന്  രക്ഷിതാക്കള്‍ക്ക് പരിശീലനം നല്‍കുന്ന ചതുര്‍ബാഹു സ്റ്റാര്‍ പദ്ധതിക്ക് തുടക്കം. കോഓപ്പറേറ്റീവ് ബാങ്ക് ഓഡിറ്റോറിയത്തില്‍ നടന്ന പരിപാടി ഗാനരചയിതാവ് രാജീവ് ആലുങ്കല്‍ ഉദ്ഘാടനം ചെയ്തു.
പി.ടി.എ പ്രസിഡന്റ് രാജീവ് അധ്യക്ഷനായി. ദേവസ്വം ട്രഷറര്‍ കെ.കെ മഹേശന്‍ പദ്ധതി വിശദീകരണം നടത്തി.
സ്‌കൂള്‍ മാനേജര്‍ ഡി. രാധാകൃഷ്ണന്‍, മാനേജിങ് കമ്മിറ്റി അംഗം പി. പ്രകാശന്‍, പ്രധാനാധ്യാപിക എസ്. സുജിഷ സംസാരിച്ചു. കുട്ടികളുടെ മന:ശാസ്ത്രം എന്ന വിഷയത്തില്‍ പരിശീലകന്‍ ബിനീഷ് കെ. മേനാേന്‍ ക്ലാസ് നയിച്ചു. പദ്ധതിയുടെ ആദ്യ ഘട്ടത്തില്‍ 10ാം ക്ലാസില്‍ പഠിക്കുന്ന വിദ്യാര്‍ഥികളുടെ രക്ഷിതാക്കളെയാണ് പദ്ധതിയില്‍ ഉള്‍പ്പെടുത്തിയിരിക്കുന്നത്.