മെല്‍ബണ്‍: ന്യൂസിലന്‍ഡിനെതിരേ കൂറ്റന്‍ ജയം സ്വന്തമാക്കി ആസ്‌ത്രേലിയ രണ്ടാം ടെസ്റ്റും സ്വന്തമാക്കി. ഇന്നലെ സമാപിച്ച മത്സരത്തില്‍ 247 റണ്‍സിന്റെ മികച്ച ജയമാണ് ആസ്‌ത്രേലിയ സ്വന്തമാക്കിയത്. ഇതോടെ മൂന്ന് മത്സരങ്ങളുള്ള പരമ്പര ആസ്‌ത്രേലിയ സ്വന്തമാക്കി.
ആദ്യ ടെസ്റ്റിലും ആസ്‌ത്രേലിയ ജയം സ്വന്തമാക്കിയിരുന്നു. 488 റണ്‍സെന്ന ലക്ഷ്യത്തിലേക്ക് ബാറ്റ് വീശിയ ന്യൂസിലന്‍ഡ് 240 റണ്‍സിന് എല്ലാവരും പുറത്താവുകയായിരുന്നു. നാലാംദിനം നാല് വിക്കറ്റ് നഷ്ടത്തില്‍ 137 റണ്‍സ് എന്ന നിലയില്‍ കളി ആരംഭിച്ച ന്യൂസിലന്‍ഡിന് പിടിച്ചുനില്‍ക്കാനായില്ല.
സെഞ്ചുറി നേടിയ ടോം ബ്ല@െണ്ടല്‍ (121) മാത്രമാണ് ന്യൂസിലന്‍ഡിന് ആശ്വാസമായത്. ഹെന്റി നിക്കോള്‍സ് (33), ബിജെ വാട്‌ലിങ് (22), മിച്ചല്‍ സാന്റ്‌നര്‍ (27) എന്നിവരൊഴികെ മറ്റു കളിക്കാര്‍ക്ക് രണ്ട@ക്കംപോലും കടക്കാനായില്ല. ഓസീസിനായി ജെയിംസ് പാറ്റിന്‍സണ്‍ മൂന്ന് വിക്കറ്റും നഥാന്‍ ലിയോണ്‍ നാല് വിക്കറ്റും വീഴ്ത്തി.
നേരത്തെ, ര@ണ്ടാം ഇന്നിങ്‌സില്‍ ആസ്‌ത്രേലിയക്കായി ഡേവിഡ് വാര്‍ണര്‍ (38), ജോ ബേണ്‍സ് (35), മാത്യുവേഡ് (30), ട്രാവിസ് ഹെഡ്ഡ് (28) എന്നിവരാണ് കാര്യമായി സ്‌കോര്‍ ചെയ്തത്. ആദ്യ ഇന്നിങ്‌സില്‍ ആസ്‌ത്രേലിയ 476 റണ്‍സെടുത്തപ്പോള്‍ രണ്ട@ാം ഇന്നിങ്‌സില്‍ 168 റണ്‍സിന് ഡിക്ലയര്‍ ചെയ്തു.
നേരത്തെ സെഞ്ചുറി നേടിയ ട്രവിസ് ഹെഡിന്റെ (114) ബാറ്റിങ്ങാണ് ഓസീസിന്റെ ആദ്യ ഇന്നിങ്‌സിന് കരുത്തായത്. സ്റ്റീവ് സ്മിത്ത് (85) ലാബുഷാനെ (63), ടിം പെയ്ന്‍ (79) എന്നിവരുടെ അര്‍ധ സെഞ്ചുറികളും ഓസീസിനെ തുണച്ചു. ന്യൂസിലന്‍ഡിന്റെ ആദ്യ ഇന്നിങ്‌സ് 148 റണ്‍സിന് അവസാനിച്ചിരുന്നു. അടുത്ത ടെസ്റ്റ് ജനുവരി മൂന്നിന് നടക്കും.