ആലപ്പുഴ: ഭോപ്പാലില്‍ നടക്കുന്ന 30-ാമത് ദേശീയ കയാക്കിങ് ആന്‍ഡ് കനോയിങ് ജൂനിയര്‍ സബ് ജൂനിയര്‍ (ആണ്‍, പെണ്‍കുട്ടികള്‍) ചാംപ്യന്‍ഷിപ്പ് മൂന്നു ദിവസം പിന്നിട്ടപ്പോള്‍ കേരളം അഞ്ച് സ്വര്‍ണവും അഞ്ച് വെള്ളിയും മൂന്നു വെങ്കല മെഡലും നേടി കുതിക്കുന്നു.
ഇന്നലെ നടന്ന മത്സരത്തില്‍ കെ ഫോര്‍ സബ് ജൂനിയര്‍ 500 മീറ്ററില്‍ അലീന ബിജു, ഷെറിന്‍ മേരി തോമസ്, ഗംഗാദേവി, അമീഷ പ്രമോദ് എന്നിവരും സി വണ്‍ ജൂനിയര്‍ 500 മീറ്ററില്‍ മേഘാ പ്രദീപും സ്വര്‍ണമെഡല്‍ കരസ്ഥമാക്കി. കെ വണ്‍ സബ് ജൂനിയര്‍ ഗേള്‍സ് 500 മീറ്ററില്‍ അലീന ബിജു എന്നിവര്‍ സ്വര്‍ണം കരസ്ഥമാക്കി.
കെ ഫോര്‍ ജൂനിയര്‍ ഗേള്‍സ് 500 മീറ്ററില്‍ അമീഷ പ്രമോദ്, അലീന ബിജു, ശ്രീലക്ഷ്മി, ജി. പാര്‍വതി എന്നിവരും സീ വണ്‍ സബ് ജൂനിയര്‍ ഗേള്‍സ് 500 മീറ്ററില്‍ മേഘാ പ്രദീപും വെള്ളി മെഡല്‍ കരസ്ഥമാക്കി. കെ ടു സബ് ജൂനിയര്‍ 500 മീറ്ററില്‍ അമീഷ പ്രമോദ്, ഷെറിന്‍ മേരി തോമസും കെ ടു സബ് ജൂനിയര്‍ 500 മീറ്ററില്‍ അലീന ബിജു, ശ്രീലക്ഷ്മി എന്നിവര്‍ വെങ്കല മെഡലും കരസ്ഥമാക്കി. കെ വണ്‍ അഞ്ച് കിലോമീറ്ററില്‍ ജി.
പാര്‍വതി വെള്ളിയും സി വണ്‍ അഞ്ച് കിലോമീറ്ററില്‍ മേഘാ പ്രദീപ് വെള്ളി മെഡലും കരസ്ഥമാക്കി. മത്സം ഇന്ന് സമാപിക്കും.