പാലക്കാട് : ജില്ലാ പഞ്ചായത്ത് രൂപം കൊടുത്തിട്ടുള്ള ഈ സാമ്പത്തിക വര്‍ഷത്തെ പദ്ധതികള്‍ അംഗീകരിക്കുന്നതിനുള്ള വികസന സെമിനാര്‍ ഇന്ന് രാവിലെ 10.30ന് ജില്ലാ പഞ്ചായത്ത് ഓഡിറ്റോറിയത്തില്‍ നടക്കും. സെമിനാര്‍ പി.ഉണ്ണി എം.എല്‍.എ ഉദ്ഘാടചനം ചെയ്യും. ജില്ലാ പഞ്ചായത്ത് പ്രസിഡന്റ് അഡ്വ.കെ.ശാന്തകുമാരി അദ്ധ്യക്ഷയാകും.
ചടങ്ങില്‍ വൈസ് പ്രസിഡന്റ് ടി,കെ.നാരായണദാസ് പദ്ധതി അവതരിപ്പിക്കും. മുന്‍ ജില്ലാ പഞ്ചായത്ത് പ്രസിഡന്റ് ടി.എന്‍.കണ്ടമുത്തന്‍ കരട് പദ്ധതി രേഖ പ്രകാശനം നടത്തും. , വികസന സ്റ്റാന്റിംഗ് കമ്മിറ്റി ചെയര്‍ പേഴ്‌സണ്‍ കെ.ഗീത ടീച്ചര്‍, പൊതുമരാമത്ത് സ്റ്റാന്റിംഗ് കമ്മിറ്റി ചെയര്‍മാന്‍ പി.കെ.സുധാകരന്‍, ആരോഗ്യ-വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍ പേഴ്‌സണ്‍ കെ.ബിനുമോള്‍, ക്ഷേമ കാര്യ സ്റ്റാന്റിംഗ് കമ്മിറ്റി ചെയര്‍ പേഴ്‌സണ്‍ ബിന്ദു സുരേഷ്, ബ്ലോക്ക് പഞ്ചായത്ത് അസോസിയേഷന്‍ പ്രസിഡന്റ സി.കെ.ചാമുണ്ണി, ഗ്രാമ പഞ്ചായത്ത് ് അസോസിയേഷന്‍ പ്രസിഡന്റ ഡി.സദാശിവന്‍ എന്നിവര്‍ പങ്കെടുക്കും.