ചങ്ങരംകുളം: എട്ട് ലക്ഷം രൂപ മുടക്കി ചങ്ങരംകുളം ഹൈവേ ജംഗ്ഷനില്‍ നിര്‍മാണം പുരോഗമിക്കുന്ന ബസ് സ്റ്റേഷന്‍ നിര്‍മാണത്തിന് വീണ്ടും റവന്യൂ അധികൃതരുടെ ഇടങ്കോല്‍. നിര്‍മാണ പ്രവൃത്തികള്‍ നടത്തുന്നത് റവന്യൂ ഭൂമിയില്‍ ആണെന്ന ആരോപണങ്ങളുമായാണ് റവന്യൂ അധികൃതര്‍ എത്തി ബസ് സ്റ്റേഷന്‍ നിര്‍മാണം തടസപ്പെടുത്തിയത്. സംസ്ഥാന സര്‍ക്കാരിന്റെ ഫണ്ട് ഉപയോഗിച്ച് ചങ്ങരംകുളം ഹൈവേ ജംഗ്ഷനില്‍ പി.ഡബ്‌ളി.യു.ഡി സ്ഥലത്ത് നിര്‍മിക്കുന്ന ബസ്സ് സ്റ്റേഷന്‍ നിര്‍മാണമാണ് കഴിഞ ദിവസം തടസപ്പെട്ടത്.
ബസ് സ്റ്റേഷന്‍ നിര്‍മാണം റവന്യൂ ഭൂമിയിലാണെന്നാരോപിച്ച് മാസങ്ങള്‍ക്ക് മുമ്പ് നിര്‍മാണ പ്രവൃത്തികള്‍ തുടങ്ങിയ സമയത്ത് തന്നെ റവന്യൂ അധികൃതര്‍ തടസപ്പെടുത്തുകയും പ്രവൃത്തി നിര്‍ത്തി വെക്കുകയും ചെയ്തിരുന്നു. പിന്നീട് ബസ്‌ബേ യുടെ രൂപരേഖയില്‍ മാറ്റം വരുത്തിയാണ് പ്രവൃത്തി പുനരാരംഭിച്ചത്. നിര്‍മാണ പ്രവൃത്തി വീണ്ടും റവന്യൂ ഭൂമിയില്‍ കയറിയെന്നാരോപിച്ചാണ് ഉദ്യോഗസ്ഥര്‍ എത്തി പ്രവൃത്തി നിര്‍ത്തി വെക്കാന്‍ ആവശ്യപ്പെട്ടത്.