കണ്ണൂര്‍: കേരള ഖാദി ഗ്രാമവ്യവസായ ബോര്‍ഡിന്റെയും പയ്യന്നൂര്‍ ഖാദി കേന്ദ്രത്തിന്റെയും ആഭിമുഖ്യത്തില്‍ ഓണം- പെരുന്നാള്‍ ഖാദി മേള തുടങ്ങി. കണ്ണൂര്‍ ടൗണ്‍ സ്‌ക്വയറിന് സമീപം ഖാദി ഗ്രാമവ്യവസായ ഓഫിസില്‍ മേള മന്ത്രി രാമചന്ദ്രന്‍ കടന്നപ്പള്ളി ഉദ്ഘാടനം ചെയ്തു. പി.കെ ശ്രീമതി എം.പി അധ്യക്ഷനായി. ഗ്രാമവ്യവസായ ഉല്‍പന്നമേള മേയര്‍ ഇ.പി ലത ഉദ്ഘാടനം ചെയ്തു.
ആദ്യവില്‍പനയും സമ്മാനപദ്ധതി ഉദ്ഘാടനവും ജില്ലാ പഞ്ചായത്ത് പ്രസിഡന്റ് കെ.വി സുമേഷ് നിര്‍വഹിച്ചു. കൗണ്‍സിലര്‍ അഡ്വ. ലിഷ ദീപക്, ഖാദി ഗ്രാമവ്യവസായ ബോര്‍ഡംഗം കെ. ധനഞ്ജയന്‍, ഡയറക്ടര്‍ വി.വി അജയകുമാര്‍, പ്രൊജക്ട് ഓഫിസര്‍ സി.പി സുജാത സംസാരിച്ചു. പട്ടു സാരി നറുക്കെടുപ്പിലൂടെ നല്‍കും. മേള അടുത്തമാസം മൂന്നിന് അവസാനിക്കും.