മാവൂര്‍: കേരളത്തില്‍ ഇസ്‌ലാമിക പ്രചാരണ പ്രവര്‍ത്തനങ്ങള്‍ക്ക് നിസ്തുല പങ്കുവഹിച്ചവരാണ് മഖ്ദൂമിയ്യാ കുടുംബമെന്ന് സമസ്ത ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ പ്രസ്താവിച്ചു.
കുറ്റിക്കടവില്‍ മഹല്ല് കമ്മിറ്റിക്ക് കീഴില്‍ അബ്ദുല്ലക്കുട്ടി മുസ്‌ലിയാര്‍ അല്‍ മഖ്ദൂമി മെമ്മോറിയല്‍ മഖ്ദൂമിയ്യ: ഇസ്‌ലാമിക് അക്കാദമിയുടെ ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം. പട്ടിക്കാട് ജാമിഅ നൂരിയ്യ അറബിക് കോളജിന്റെ ജൂനിയര്‍ സ്ഥാപനമായാണ് പ്രവര്‍ത്തിക്കുക. മഹല്ല് പ്രസിഡന്റ് മാങ്ങാട്ട് അബ്ദുറസാഖ് അധ്യക്ഷനായി. സയ്യിദ് മുഹമ്മദ് കോയ തങ്ങള്‍ ജമലുല്ലൈലി അനുഗ്രഹ പ്രഭാഷണം നിര്‍വഹിച്ചു. സത്താര്‍ പന്തലൂര്‍ മുഖ്യപ്രഭാഷണം നടത്തി.
പി.പി അബു ഹാജി, എ.ടി അബ്ദുറഹിമാന്‍ ദാരിമി ചീക്കോട്, സയ്യിദ് മുബശ്ശിര്‍ തങ്ങള്‍ ജമലുല്ലൈലി, ആര്‍.വി കുട്ടിഹസ്സന്‍ ദാരിമി, ഹസൈനാര്‍ ഫൈസി, ഒ.പി അഷ്‌റഫ്, പി.പി അബ്ദുറഹിമാന്‍ മുസ്‌ലിയാര്‍, അബ്ദുല്‍ ജബ്ബാര്‍ അന്‍വരി, കെ.എ ഖാദര്‍ മാസ്റ്റര്‍, ടി.പി ചെറൂപ്പ, കെ. മൂസ മൗലവി, ഖാലിദ് കിളിമുണ്ട, എന്‍.പി അഹമ്മദ്, വി.കെ റസാഖ്, ഒ. മമ്മദ് മാസ്റ്റര്‍, വളപ്പില്‍ റസാഖ്, പി.പി.എച്ച് ഹുസൈന്‍ ഹാജി, എ.കെ മുഹമ്മദലി പ്രസംഗിച്ചു. റഷീദ് ഫൈസി വെള്ളായിക്കോട് സ്വാഗതവും ബശീര്‍ നന്ദിയും പറഞ്ഞു.