പെരിന്തല്‍മണ്ണ: പട്ടിക്കാട് ജാമിഅ നൂരിയ്യ 57-ാം വാര്‍ഷിക 55-ാം സനദ് ദാന സമ്മേളനത്തിന്റെ ഭാഗമായി ഓസ്‌ഫോജ്‌ന കേന്ദ്ര കമ്മിറ്റി ഹാജി കെ. മമ്മദ് ഫൈസി സ്മാരക ഗോള്‍ഡ് മെഡലിന് വേണ്ടിയുള്ള അഖില കേരള ഹിഫ്‌ളുല്‍ ഖുര്‍ആന്‍ മത്സരം നടത്തുന്നു. ജൂനിയര്‍, സീനിയര്‍ വിഭാഗങ്ങളിലായാണ് മത്സരം നടക്കുക.
സമസ്തക്ക് കീഴില്‍ പ്രവര്‍ത്തിക്കുന്ന സ്ഥാപനങ്ങളില്‍ പഠിച്ചു കൊണ്ടിരിക്കുന്നവരോ പഠനം പൂര്‍ത്തിയാക്കിയവരോ ആയിരിക്കണം മത്സരാര്‍ഥികള്‍. 15 വയസിന് താഴെയുള്ളവര്‍ക്ക് ജൂനിയര്‍ വിഭാഗത്തിലും, 15 വയസിന് മുകളിലുള്ളവര്‍ക്ക് സീനിയര്‍ വിഭാഗത്തിലും മത്സരിക്കാം. മത്സരാര്‍ഥികള്‍ പഠിച്ചതോ പഠനം നടത്തിക്കൊണ്ടിരിക്കുന്നതോ ആയ സ്ഥാപന മേധാവിയുടെ അംഗീകാരത്തോടെയാണ് അപേക്ഷിക്കേണ്ടത്. ഒരു സ്ഥാപനത്തില്‍നിന്ന് ഒരു വിഭാഗത്തില്‍ പരമാവധി രണ്ട് മത്സരാര്‍ഥികള്‍ക്ക് പങ്കെടുക്കാം. രണ്ട് വിഭാഗത്തിലും ഓരോ പവന്‍ സ്വര്‍ണമായിരിക്കും ഒന്നാം സമ്മാനം. കൂടുതല്‍ വിവരങ്ങള്‍ക്ക് 9747399584.