തൊട്ടില്‍പ്പാലം: സംസ്ഥാന പാതയില്‍ മൂന്നാംകൈ വളവില്‍ നിയന്ത്രണംവിട്ട  കാര്‍ കടയിലേക്ക് പാഞ്ഞുകയറി. അപകടസമയത്ത് കടയില്‍ ആളുകളില്ലാതിരുന്നതിനാല്‍ വന്‍ദുരന്തം ഒഴിവായി.
ഇന്നലെ രാവിലെ പതിനൊന്നോടെയാണ് സംഭവം. വയനാട് ജില്ലയിലെ മക്യാട് നിന്ന് കോഴിക്കോട് ഫറോക്കിലേക്ക് പോവുകയായിരുന്ന വിവാഹസംഘം സഞ്ചരിച്ച മാരുതി റിറ്റ്‌സ് കാറാണ് അപകടത്തില്‍പെട്ടത്.
കാറിലുണ്ടായിരുന്ന നാലുയാത്രക്കാരില്‍ മൂന്ന്‌പേര്‍ക്ക് നിസാര പരുക്കുണ്ട്. ഇവരെ സമീപത്തെ സ്വകാര്യ ആശുപത്രിയില്‍ പ്രവേശിപ്പിച്ചു.
അപകടത്തില്‍  കടയുടെ ഷട്ടര്‍ ഭാഗികമായും കാറിന്റെ മുന്‍വശം പൂര്‍ണമായും തകര്‍ന്നിട്ടുണ്ട്.