കണ്ണൂര്‍: ലോകജനതക്ക് സമാധാനവും ശാന്തിയും നല്‍കിയ ഖുര്‍ആന്‍ പഠിക്കേണ്ടതും പഠിപ്പിക്കേണ്ടതും കാലത്തിന്റെ അനിവാര്യതയാണെന്ന് പാണക്കാട് നൗഫല്‍ അലി ശിഹാബ് തങ്ങള്‍. കമ്പില്‍ കുമ്മായക്കടവ് സഫാ ഹിഫ്‌സുല്‍ ഖുര്‍ആന്‍ കോളജ് കമ്മിറ്റി കണ്ണൂരില്‍ നടത്തിയ ഖുര്‍ആന്‍ സെമിനാര്‍ ഉദ്ഘടനം ചെയ്യുകയായിരുന്നു അദ്ദേഹം.
സക്കരിയ ദാരിമി അധ്യക്ഷനായി. സുപ്രഭാതം വിദ്യാപ്രഭാതം സ്‌പെഷല്‍ പതിപ്പ് സുപ്രഭാതം റസിഡന്റ് എഡിറ്റര്‍ എ. സജീവന്‍ അസ്‌ലമിന് നല്‍കി പ്രകാശനം ചെയ്തു. മീഡിയ വിങ് പുറത്തിറക്കിയ 'വിളംബരം' സ്‌പെഷല്‍ പതിപ്പ് നൗഫല്‍ അലി തങ്ങള്‍ അബ്ദുല്‍ റഹ്മാന് നല്‍കി പ്രകാശനം ചെയ്തു. എ.പി അബ്ദുല്ലക്കുട്ടി, അഷ്‌റഫ് ബംഗാളി മൊഹല്ല, ഹാഫിസ് അബ്ദുല്ല ഫൈസി, ഇ.വി അഷ്‌റഫ് മൗലവി, ഷാജിര്‍, ഹാഫിസ് നസീം ബാഖവി, അബ്ദുസലാം ഫൈസി, സലീം നദ്‌വി വെളിയമ്പ്ര സംസാരിച്ചു.