റിയോ ഡി ജനീറോ: ഇന്ത്യക്ക് നീന്തലിലും പൂര്‍ണ നിരാശ. പുരുഷ വിഭാഗത്തിലും വനിതാ വിഭാഗത്തിലും ഇന്ത്യന്‍ താരങ്ങള്‍ കാര്യമായ പ്രകടനം കാഴ്ച്ചവെക്കാതെ ആദ്യ റൗണ്ടില്‍ തന്നെ പുറത്തായി. മലയാളിയും ഇന്ത്യയുടെ മെഡല്‍ പ്രതീക്ഷയുമായിരുന്ന സാജന്‍ പ്രകാശ് 200 മീറ്റര്‍ ബട്ടര്‍ ഫ്‌ളൈയില്‍ 41ാം സ്ഥാനത്താണ് ഫിനിഷ് ചെയ്തത്. 43 പേര്‍ മത്സരിച്ച ബട്ടര്‍ഫ്‌ളൈ ഇനത്തില്‍ നിരാശാജനകമായ പ്രകടനമായിരുന്നു സാജന്റേത്. ഒരു മിനുട്ടും 59.37 സെക്കന്‍ഡുമാണ് സാജന്‍ ബട്ടര്‍ഫ്‌ളൈ ഇനത്തില്‍ എടുത്ത സമയം.

200 മീറ്റര്‍ ഫ്രീ സ്റ്റൈല്‍ വനിതാ വിഭാഗത്തില്‍ ശിവാനി കട്ടാരിയയും കാര്യമായ പ്രകടനമില്ലാതെയാണ് പുറത്തായത്. 28ാം സ്ഥാനമാണ് കട്ടാരിയക്ക്. ആകെ 29 പേരാണുണ്ടായിരുന്നത്.