റിയോ ഡി ജനീറോ: നിരാശകള്‍ക്കിടയിലും ഇന്ത്യക്കു പ്രതീക്ഷകള്‍ സമ്മാനിച്ച് പുരുഷ ഹോക്കി ടീമിന്റെ മുന്നേറ്റം. പൂള്‍ ബിയിലെ പോരാട്ടത്തില്‍ ഇന്ത്യ 2-1നു അര്‍ജന്റീനയെ തകര്‍ത്തു. പുരുഷന്‍മാരുടെ അമ്പെയ്ത്ത് വ്യക്തിഗത ഇനത്തില്‍ അതാനു ദാസ് പ്രീ ക്വാര്‍ട്ടറിലേക്ക് മുന്നേറിയതും ഇന്ത്യക്ക് ആശ്വാസമായി. ക്യൂബയുടെ ആന്‍ഡ്രിയന്‍ ആന്‍ഡ്രേസിനെ 6-4നു തകര്‍ത്താണ് അതാനുവിന്റെ മുന്നേറ്റം. പ്രീ ക്വാര്‍ട്ടറില്‍ ദക്ഷിണ കൊറിയന്‍ താരം ലി സുങ് യുനാണ് അതാനുവിന്റെ എതിരാളി.

അതേസമയം തുഴച്ചില്‍ സ്‌കള്‍സ് വിഭാഗത്തില്‍ ഇന്ത്യയുടെ ദത്തു ബൊക്കാനല്‍ പുറത്തായി. വനിതകളുടെ ഷൂട്ടിങില്‍ ഹീന സിദ്ദു ഫൈനലിലെത്താതെ പുറത്തായതും ഇന്ത്യക്ക് തിരിച്ചടി നല്‍കി. അഞ്ചു വീതം സ്വര്‍ണവുമായി അമേരിക്കയും ചൈനയും മുന്നില്‍ നില്‍ക്കുന്നു. നാലു സ്വര്‍ണവുമായി ആസ്‌ത്രേലിയ മൂന്നാം സ്ഥാനത്തുണ്ട്.