ലണ്ട@ന്‍: 2019ല്‍ ലിവര്‍പൂളിന്റെ ഉയിര്‍ത്തെഴുന്നേല്‍പ്പിന് കാരണക്കാരനായ യൂര്‍ഗന്‍ ക്ലോപ്പിനെ റാഞ്ചാനൊരുങ്ങി ഫ്രഞ്ച് കരുത്തരായ പി.എസ്.ജി. ക്ലോപ് ക്ലബ് വിട്ട് പി.എസ്.ജിലേക്ക് പോകാനുള്ള സാധ്യതയുണ്ടെന്ന് മിററാണ് റിപ്പോര്‍ട്ട് ചെയ്തത്.
അടുത്തിടെ ലിവര്‍പൂളുമായി ക്ലോപ് അഞ്ച് വര്‍ഷത്തെ കരാര്‍ പുതുക്കിയെങ്കിലും ക്ലോപ് ക്ലബ് വിടാനുള്ള സാധ്യതയുണ്ടെണ്ടന്നാണ് അറിയുന്നത്. വമ്പന്‍ ഓഫര്‍ പി.എസ്.ജി മുന്നോട്ടുവച്ചെന്നും ക്ലോപുമായി പി.എസ്.ജി സ്‌പോര്‍ട്ടിങ് ഡയറക്ടര്‍ ലിയോനാര്‍ഡോ ഒരു മണിക്കൂര്‍ ഫോണില്‍ സംസാരിച്ചെന്നും മിറര്‍ റിപ്പോര്‍ട്ട് ചെയ്തു. പി.എസ്.ജിയില്‍ ചേരുന്നത് സംബന്ധിച്ച് ക്ലോപ്പുമായി ചര്‍ച്ച നടത്തിയെന്ന കാര്യം ലിയോനാര്‍ഡോയും സമ്മതിച്ചു.
കൈമാറ്റം സാധ്യമായാല്‍ ഫുട്‌ബോള്‍ ചരിത്രത്തിലെത്തന്നെ വലിയ കൈമാറ്റ തുകയാവാനാണ് സാധ്യത. അവസാന സീസണില്‍ ലിവര്‍പൂളിനെ ചാംപ്യന്‍സ് ലീഗ് കിരീടത്തിലെത്തിച്ച ക്ലോപ് പ്രീമിയര്‍ ലീഗില്‍ രണ്ട@ാം സ്ഥാനവും നേടിക്കൊടുത്തു.
ഈ സീസണില്‍ പ്രീമിയര്‍ ലീഗില്‍ വ്യക്തമായ ലീഡോടെയാണ് ലിവര്‍പൂള്‍ മുന്നേറുന്നത്. ചാമ്പ്യന്‍സ് ലീഗിലും പ്രതീക്ഷിച്ച മുന്നേറ്റം ക്ലബ് നടത്തുന്നുണ്ട്. ഈ സാഹചര്യത്തില്‍ ലിവര്‍പൂള്‍ വിടാന്‍ ക്ലോപ്പ് തയാറാകുമോയെന്ന് കണ്ടണ്ടറിയണം.