കോഴിക്കോട്: എസ്.കെ.എസ്.എസ്.എഫ് നടത്തുന്ന ദേശീയോദ്ഗ്രഥന കാംപയിന്റെ ഭാഗമായി ഓഗസ്റ്റ് 15 ന് സംസ്ഥാനത്തിനകത്തും പുറത്തുമുള്ള 170 കേന്ദ്രങ്ങളില്‍ ഫ്രീഡം സ്‌ക്വയര്‍ നടത്തും. ഇതിന്റെ ഭാഗമായി സൗഹൃദ സംഗമവും പ്രതിജ്ഞയും നടക്കും. ഇതില്‍ പങ്കെടുക്കുന്ന പ്രഭാഷകര്‍ക്കുള്ള ശില്‍പശാല കോഴിക്കോട് സമസ്ത ഓഡിറ്റോറിയത്തില്‍ നടന്നു. സംസ്ഥാന ജന. സെക്രട്ടറി സത്താര്‍ പന്തലൂര്‍ അധ്യക്ഷനായി.
എസ്.കെ.എസ്.എസ്.എഫ് യു.എ.ഇ നാഷനല്‍ കമ്മിറ്റി പ്രസിഡന്റ് സയ്യിദ് ശുഐബ് തങ്ങള്‍ ഉദ്ഘാടനം ചെയ്തു. ഡോ സുബൈര്‍ ഹുദവി ചേകന്നൂര്‍, റഹീം മാസ്റ്റര്‍ ചുഴലി, സയ്യിദ് ഫഖ്‌റുദ്ദീന്‍ തങ്ങള്‍, റശീദ് ഫൈസി വെള്ളായിക്കോട്, കെ.എന്‍.എസ് മൗലവി, ടി.പി സുബൈര്‍ മാസ്റ്റര്‍, അബ്ദുല്‍ ഹമീദ് കുന്നുമ്മല്‍ സംബന്ധിച്ചു.