ന്യൂഡല്‍ഹി: ബംഗ്ലാദേശി ഭീകരന്‍ മുസാഫര്‍ നഗറില്‍ അറസ്റ്റില്‍. ഉത്തര്‍പ്രദേശ് ഭീകര വിരുദ്ധസേനയാണ് ബംഗ്ലാദേശ് തീവ്രവാദ സംഘടനയായ അന്‍സാറുല്ലാ ബംഗ്ലാ ടീം (എ.ബി.ടി) ഭീകരന്‍ അബ്ദുല്ലയെ അറസ്റ്റ് ചെയ്തത്. ഭീകരവിരുദ്ധ സേനാ ജനറല്‍ അസിം അരുണ്‍ ആണ് ഇക്കാര്യം അറിയിച്ചത്.
കഴിഞ്ഞ ഒരു മാസമായി ഇയാള്‍ മുസാഫര്‍ നഗറില്‍ താമസിച്ചു വരുകയായിരുന്നു. അല്‍ ഖാഇദയില്‍ നിന്ന് പ്രചോദനമുള്‍ക്കൊണ്ട് രൂപീകൃതമായ തീവ്രവാദ ഗ്രൂപ്പാണ് അന്‍സാറുല്ല ബംഗ്ലാ ടീം. 2011 മുതല്‍ ഇയാള്‍ ഷഹാരണ്‍പൂരില്‍ താമസിച്ചു വരികയാണെന്നാണ് വിവരം. മറ്റു തീവ്രവാദികള്‍ക്ക് താമസ സൗകര്യം നല്‍കിയതായും ഇയാള്‍ക്കെതിരേ പരാതിയുണ്ട്.