കടപ്പുറം: പഞ്ചായത്തിന്റെ വിവിധ ഭാഗങ്ങളില്‍ നിന്ന് പരിശുദ്ധ ഹജ് കര്‍മ്മത്തിനു പോകുന്ന തീര്‍ത്ഥാടകര്‍ക്ക് മുസ്‌ലിം ലീഗ് പഞ്ചായത്ത് കമ്മിറ്റി നല്‍കിയ യാത്രയയപ്പ് ജില്ലാ പ്രസിഡന്റ് സി.എച്ച് റഷീദ് ഉദ്ഘാടനം ചെയ്തു. ആര്‍.കെ ഇസ്മഈല്‍ അധ്യക്ഷനായി.
സലീം ഫൈസി അടിമാലി മുഖ്യ പ്രഭാഷണം നിര്‍വഹിച്ചു. പഞ്ചായത്ത് പ്രസിഡന്റ് പി.എം മുജീബ്, മുസ്ലിം ലീഗ് പഞ്ചായത്ത് കമ്മിറ്റി പ്രസിഡന്റ് തെക്കരകത്ത് കരീം ഹാജി, ഡോ.സലീം എടാട്ടില്‍, നേതാക്കളായ വി.പി ബക്കര്‍ ഹാജി, സി.എസ് മുഹമ്മദുണ്ണി, സി.സി മുഹമ്മദ്, എ.എച്ച് സൈനുല്‍ ആബിദീന്‍, നൗഷാദ് തെരുവത്ത്, ടി.ആര്‍ ഇബ്രാഹിം എന്നിവര്‍ സംസാരിച്ചു. ജനറല്‍ സെക്രട്ടറി പി.വി ഉമര്‍കുഞ്ഞി സ്വാഗതവും, വി.പി മന്‍സൂറലി നന്ദിയും പറഞ്ഞു.