#മുഹമ്മദലി വാഫി തെന്നല

ദുബൈ: സമസ്ത സെക്രട്ടറിയും കടമേരി റഹ്മാനിയ്യ അറബിക് കോളേജ് പ്രിന്‍സിപ്പലും സുപ്രഭാതത്തിന്റെ ശില്‍പിയുമായ മര്‍ഹൂം കോട്ടുമല ടി.എം ബാപ്പു മുസ്‌ല്യാരുടെ രണ്ടാമത് ആണ്ടനുസ്മരണ സംഗമം ഡിസംബര്‍ 21ന് വെള്ളിയാഴ്ച വൈകിട്ട് 6.15ന് ദുബൈ, അല്‍ ബറാഹ അല്‍ ഉവൈസ് ഓഡിറ്റോറിയത്തില്‍ വിപുലമായി സംഘടിപ്പിക്കുമെന്ന് സംഘാടകര്‍ അറിയിച്ചു.

യു.എ.ഇ ചാപ്റ്റര്‍ റഹ്മാനിയ്യ അറബിക് കോളേജ് കമ്മിറ്റിയും ഗള്‍ഫ് സത്യധാരയും സംയുക്തമായി സംഘടിപ്പിക്കുന്ന അനുസ്മരണ സംഗമം സമസ്ത കേരള ജംഇയ്യത്തുല്‍ ഉലമ പ്രസിഡന്റ്, സയ്യിദുല്‍ ഉലമാ സയ്യിദ് ജിഫ്രി മുത്തുകോയ തങ്ങള്‍ ഉദ്ഘാടനം ചെയ്യും. സമസ്ത സെക്രട്ടറിയും കടമേരി റഹ്മാനിയ്യ പ്രിന്‍സിപ്പലുമായ ശൈഖുനാ എം.ടി. അബ്ദുല്ല മുസ്‌ല്യാര്‍ മുഖ്യപ്രഭാഷണം നടത്തും. ഇതിനായി ഇരുവരും അടുത്ത ദിവസം ദുബൈയിലെത്തും. മജ്‌ലിസുന്നൂര്‍ പാരായണത്തോടെ തുടങ്ങുന്ന ആണ്ടനുസ്മരണ സംഗമത്തില്‍ ദുബൈ സുന്നി സെന്റര്‍ പ്രസിഡന്റ് സയ്യിദ് ഹാമിദ് കോയമ്മ തങ്ങള്‍ അടക്കമുള്ള യു.എ.ഇയിലെ മതരാഷ്ടീയ സാമൂഹികസാംസ്‌കാരികപ്രാസ്ഥാനിക രംഗത്തെ പ്രമുഖര്‍ സംബന്ധിക്കും.