കൊച്ചി: ഹാദിയ കേസിലെ വിധിയില്‍ പ്രതിഷേധിച്ച് ഹൈക്കോടതിയിലേക്ക് നടത്തിയ മാര്‍ച്ചിനിടെ പൊലിസിനെ അക്രമിച്ച കേസില്‍ മൂന്ന് എസ്.ഡി.പി.ഐ പ്രവര്‍ത്തകര്‍ കൂടി അറസ്റ്റില്‍.
കോതമംഗലം അയിരൂര്‍പാടം ചിറ്റേത്തുകുടി വീട്ടില്‍ മൊയ്തീന്റെ മകന്‍ അമീന്‍ മൊയ്തീന്‍, നൗഫാന്‍ മൊയ്തീന്‍, ചിറ്റേത്തുകുടി വീട്ടില്‍ മക്കാറിന്റെ മകന്‍ നിയാസ് എന്നിവരെയാണ് എറണാകുളം സെന്‍ട്രല്‍ പൊലിസ് അറസ്റ്റ് ചെയ്തത്. കേസില്‍ ഒളിവില്‍ കഴിഞ്ഞുവരുന്ന മറ്റ് പ്രതികള്‍ക്കായി തിരച്ചില്‍ ഊര്‍ജിതമാക്കിയതായി എറണാകുളം എ.സി.പി കെ. ലാല്‍ജി അറിയിച്ചു.അറസ്റ്റ് ചെയ്ത പ്രതികളെ കോടതിയില്‍ ഹാജരാക്കി.