റിയാദ്: സഊദി-യമന്‍ അതിര്‍ത്തി പ്രദേശങ്ങളില്‍ സംഘര്‍ഷം രൂക്ഷം. സഊദിയുടെ പടിഞ്ഞാറന്‍ അതിര്‍ത്തി പ്രദേശങ്ങളില്‍ കഴിഞ്ഞ 72 മണിക്കൂറിനിടെ 48 പേരാണ് കൊല്ലപ്പെട്ടത്.
യമനിലെ വിമത വിഭാഗമായ ഹൂതികളില്‍ പെട്ട 31 പേരും യമന്‍ സൈന്യത്തിലെ 31 പേരും കൊല്ലപ്പെട്ടതായി വാര്‍ത്താ ഏജന്‍സികള്‍ റിപ്പോര്‍ട്ട് ചെയ്തു.
ചെങ്കടലിനു തീരത്തെ തുറമുഖമായ മെദി, സഊദി അതിര്‍ത്തി പ്രദേശമായ ജിസാനിനു സമീപത്തെ ഹരാദ ജില്ല തുടങ്ങിയ പ്രദേശങ്ങളില്‍ മൂന്നു ദിവസങ്ങളില്‍ ഇരുപതിലധികം തവണ വ്യോമാക്രമണങ്ങള്‍ നടന്നു.
അതേസമയം, സഖ്യ സൈന്യം തങ്ങള്‍ക്കെതിരെ ബാലിസ്റ്റിക് മിസൈലുകള്‍ ഉപയോഗിച്ചതായി ഹൂതി നിയന്ത്രിത വാര്‍ത്താ ഏജന്‍സി റിപ്പോര്‍ട്ട് ചെയ്തു.