ചെന്ത്രാപ്പിന്നി: വലപ്പാട് ആനവിഴുങ്ങി ബിവറേജിനു സമീപം കാറും ഓട്ടോയും കൂട്ടിയിടിച്ച് ഓട്ടോഡ്രൈവര്‍ക്ക് പരുക്കേറ്റു. ബീവറേജിന് വടക്ക് വാഴപ്പുള്ളി സനലിനാണ് പരുക്കേറ്റത്. തിങ്കളാഴ്ച രാത്രി പതിനൊന്നോടെ സനിലിന്റെ വീടിനു സമീപം ദേശീയപാതയിലായിരുന്നു അപകടം. വീട്ടില്‍ നിന്ന് ഓട്ടോയുമായി ദേശീയപാതയിലേക്ക് കയറുന്നതിനിടെ എതിര്‍ദിശയില്‍ നിന്ന് വന്ന കാറിടിക്കുകയായിരുന്നു. തലക്ക് സാരമായി പരിക്കേറ്റ സനലിനെ ചെന്ത്രാപ്പിന്നി ആക്ട്‌സ് പ്രവര്‍ത്തകര്‍ തൃശൂര്‍ വെസ്റ്റ് ഫോര്‍ട്ട് ആശുപത്രിയില്‍ പ്രവേശിപ്പിച്ചു. അപകടത്തില്‍ ഓട്ടോ ഭാഗികമായും, കാറിന്റെ മുന്‍ഭാഗവും തകര്‍ന്നു.