കല്‍പ്പറ്റ: സൈലന്റ് വാലി വനത്തില്‍ വന്യമൃഗങ്ങള്‍ക്ക് കുടിനീര്‍ ഒരുക്കി മീനങ്ങാടി ഗവ. ഹയര്‍ സെക്കന്‍ഡറി സ്‌കൂളിലെ എന്‍.എസ്.എസ് വളണ്ടിയര്‍മാര്‍.
സൈലന്റ് വാലി കാടിനുള്ളില്‍ തത്തേങ്ങലം എന്ന പ്രദേശത്താണ് സ്‌കൂളില്‍ നിന്നുള്ള 37 വിദ്യാര്‍ഥികളുടെയും അധ്യാപകരുടെയും നേതൃത്വത്തില്‍ തടയണ നിര്‍മിച്ചത്. കാട്ടിലൂടെയുള്ള ചെറു അരുവികളിലാണ് തടയണ നിര്‍മിച്ചത്. കാട്ടുതീ പടരുകയാണെങ്കില്‍ ആവശ്യത്തിന് ജലം ഈ തടയണകളില്‍ നിന്നും ലഭ്യമാകുമെന്ന് വനംവകുപ്പ് അധികൃതര്‍ പറഞ്ഞു. കടുത്ത വരള്‍ച്ചയെ നേരിടാന്‍ വനംവകുപ്പ് ഒരുങ്ങുമ്പോഴാണ് വിദ്യാര്‍ഥികളുടെ മാതൃകാപരമായ ഈ പ്രവര്‍ത്തനം. 15, 16 തിയതികളിലാണ് ക്യാംപ്  മനോജ് ഏബ്രഹാം, ഷണ്‍മുഖദാസ് എന്നിവര്‍ ക്ലാസെടുത്തു. പി.ബി ഭരതന്‍, ആന്റണി ജോസഫ്, കെ.ടി ശ്രീലത, കെ. ബേസില്‍, എ.പി അനുഷ്യ, പി. നീരജ് നേതൃത്വം നല്‍കി.