കണ്ണൂര്‍: ഉത്തരമലബാറിലെ പ്രമുഖ തീര്‍ഥാടന കേന്ദ്രമായ പുറത്തീല്‍ മഖാമില്‍ അന്ത്യവിശ്രമം കൊള്ളുന്ന അശൈഖ് അബ്ദുല്‍ ഖാദര്‍ സാനി(റ)യുടെ 455ാം ആണ്ടുനേര്‍ച്ച ഇന്നും നാളെയുമായി നടക്കും. ആണ്ടുനേര്‍ച്ചയുടെ ഒരുക്കങ്ങള്‍ പൂര്‍ത്തിയായതായി പുറത്തീല്‍ ജമാഅത്ത് കമ്മിറ്റി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ഇന്നു രാവിലെ എട്ടിനു കുടിച്ചോറ് വിതരണം നടക്കും. ളുഹര്‍ നിസ്‌കാരാനന്തരം നടക്കുന്ന ഖത്തം ദുആക്ക് പുറത്തീല്‍ ശൈഖ് മാണിയൂര്‍ അഹമ്മദ് മുസ്‌ലിയാര്‍ നേതൃത്വം നല്‍കും. പി.പി.അബ്ദുല്‍ഖാദര്‍ ഹാജി, എം.മുസമ്മില്‍, ടി.കെ.അഹമ്മദ് കുട്ടി, എം.മുഹമ്മദലി, ഒ.എം. അബ്ദുല്‍ഖാദര്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.