തൃപ്രയാര്‍: തൃപ്രയാര്‍ ബസ് സ്റ്റാന്റഡിന്റെ വടക്കേഭാഗത്ത് മാലിന്യം നിറയുന്നു. ടി.എസ.്ജി.എ ഇന്‍ഡോര്‍ സ്റ്റേഡിയത്തിലേക്കുള്ള റോഡിനരികിലെ ബസ് സ്റ്റാന്റിന് വടക്കു ഭാഗത്ത് നിരവധി മാലിന്യങ്ങളാണ് കൊണ്ടിടുന്നത്. വല്ലപ്പോഴുമൊരിക്കല്‍ ആരെങ്കിലും കത്തിക്കുമ്പോള്‍ പരിസരമാകെ പുകയുമാകും. പലപ്പോഴും ദുര്‍ഗന്ധമുയരുകയാണ്. മഴപെയ്യുമ്പോള്‍ മാലിന്യം ഒലിച്ചിറങ്ങും. ടി.എസ്.ജി.എ സ്‌റ്റേഡിയത്തിലേക്കും പോളിടെക്‌നിക് എന്നിവിടങ്ങളിലേക്കും നിരവധി വിദ്യാര്‍ഥികളാണ് ഇതിലൂടെ പോകുന്നത്. പഞ്ചായത്തിലെ പൊതുജനാരോഗ്യവകുപ്പാകട്ടെ ഇക്കാര്യം അറിഞ്ഞമട്ടില്ല. ഇതിനു പുറമേ വിവിധ സ്ഥാപനങ്ങളില്‍ നിന്നുള്ള മലിനജലമാണ് ബസ് സ്റ്റാന്‍ഡിന്റ മുന്നിലെ കാനയിലൂടെ ഒഴുകുന്നത്. തീരദേശമേഖലയില്‍ പകര്‍ച്ചപ്പനികള്‍ പിടിപ്പെടുന്ന സാഹചര്യമായിട്ടും അധികൃതര്‍ നടപടികള്‍ ശക്തമാക്കുന്നില്ല.