നെടുമ്പാശ്ശേരി: മലയാളികള്‍ക്കു ബലിപെരുന്നാളും ഓണവും ആഘോഷിക്കുന്നതിനു നാട്ടിലെത്താന്‍ എയര്‍ ഇന്ത്യാ എക്‌സ്പ്രസ് ഷാര്‍ജയില്‍നിന്നു സംസ്ഥാനത്തെ വിമാനത്താവളങ്ങളിലേക്ക് 18 സര്‍വിസുകള്‍ അധികമായി നടത്തും. 22 മുതല്‍ സെപ്റ്റംബര്‍ നാലുവരെ തിരുവനന്തപുരം, നെടുമ്പാശ്ശേരി, കോഴിക്കോട് വിമാനത്താവളങ്ങളിലേക്കാണ് സര്‍വിസ്.
ഈ മാസം 23, 24,30, സെപ്റ്റംബര്‍ ഒന്ന്, മൂന്ന് തിയതികളില്‍ വൈകിട്ട് 6.20ന് ഷാര്‍ജയില്‍നിന്നു പുറപ്പെടുന്ന വിമാനം രാത്രി 11.45നും, ഈ മാസം 31, സെപ്റ്റംബര്‍ രണ്ട് തിയതികളില്‍ രാവിലെ 7.50നു പുറപ്പെടുന്ന വിമാനം ഉച്ചയ്ക്ക് 1.15നും കോഴിക്കോട്ട് എത്തും. 25നു രാവിലെ 7.05ന് ഷാര്‍ജയില്‍നിന്നു പുറപ്പെടുന്ന വിമാനം ഉച്ചയ്ക്ക് 12.35നും 31, സെപ്റ്റംബര്‍ രണ്ട് തിയതികളില്‍ വൈകിട്ട് 6.20നു പുറപ്പെടുന്ന വിമാനം രാത്രി 11.50നും നെടുമ്പാശ്ശേരിയിലെത്തും. ഈമാസം 22, 25, 29 തിയതികളില്‍ വൈകിട്ട് 6.20ന് ഷാര്‍ജയില്‍നിന്നു പുറപ്പെടുന്ന വിമാനം രാത്രി 12.05നും, 23, 24, 30, സെപ്റ്റംബര്‍ ഒന്ന്, മൂന്ന് തിയതികളില്‍ രാവിലെ 7.50നു പുറപ്പെടുന്ന വിമാനം ഉച്ചയ്ക്ക് 1.35നും തിരുവനന്തപുരം വിമാനത്താവളത്തിലെത്തും. എയര്‍ ഇന്ത്യ എക്‌സ്പ്രസ് സംസ്ഥാനത്തെ വിമാനത്താവളങ്ങളില്‍നിന്ന് 18 അധിക സര്‍വിസുകള്‍ ഷാര്‍ജയിലേക്കും നടത്തുന്നുണ്ട്.