ഊട്ടി: സിംഹവാലന്റെ ആക്രമണത്തില്‍ മൂന്നുവയസുകാരന് പരുക്ക്. മഞ്ചൂരില്‍ വീടുമുറ്റത്ത് നിന്നിരുന്ന കുഞ്ഞിനെയാണ് സിംഹവാലന്‍ കുരങ്ങ് കടിച്ചു പരുക്കേല്‍പ്പിച്ചത്.
കൊലകൊമ്പയിലെ സുരേഷിന്റെ മകന്‍ ദിനേഷ് വീട്ടുമുറ്റത്തു നിന്ന് പഴം കഴിച്ചുകൊണ്ടിരിക്കുകയായിരുന്നു. ഇതിനിടെയാണ് ഇതുവഴിവന്ന കുരങ്ങ് കുട്ടിയെ അക്രമിച്ചത്. കുട്ടിയുടെ മേലേക്ക് ചാടിക്കയറിയ കുരങ്ങ് മുതുകില്‍ കടിച്ചുപറിക്കുകയായിരുന്നു.
കുട്ടിയുടെ കരച്ചില്‍ കേട്ട് ഓടിയെത്തിയ നാട്ടുകാര്‍ കുരങ്ങില്‍ നിന്നും കുട്ടിയെ രക്ഷിച്ചെടുത്ത് കുന്നൂര്‍ താലൂക്ക് ആശുപത്രിയില്‍ പ്രവേശിപ്പിച്ചു. ഇതിനു മുന്‍പ് ഈ പ്രദേശത്തിന്നടുത്തുള്ള ടിക്‌ലാന്റ് ലീസ് എസ്‌റ്റേറ്റിലെ രണ്ട് സ്ത്രീകളെയും രണ്ട് കുട്ടികളെയും ഈ കുരങ്ങ് കടിച്ചുപരുക്കേല്‍പ്പിച്ചിരുന്നു.