മേപ്പാടി: മാനിവയലില്‍ പേപ്പട്ടിയുടെ ആക്രമണത്തില്‍ പശു ചത്തു. മാനിവയല്‍ അച്ചുതന്റെ കറവയുള്ള പശുവാണ് ചത്തത്. പേപ്പട്ടിയുടെ കടിയേറ്റ് നിരവധി വളര്‍ത്തുമൃഗങ്ങള്‍ക്ക് മുറിവേറ്റിട്ടുണ്ട്.
കഴിഞ്ഞ ദിവസം രാത്രിയാണ് പേപ്പട്ടി വ്യാപകമായി മൃഗങ്ങളെ അക്രമിച്ചത്. കല്ലുമല ഭാഗത്തുനിന്നുമാണ് പട്ടി ഓടിയെത്തിയത്. അച്ചുതന്റെ തൊഴുത്തില്‍ കയറിയാണ് പശുവിനെ കടിച്ചത്. ഈ കര്‍ഷകന്റെ ഏക വരുമാന മാര്‍ഗ്ഗമായിരുന്ന പശുവാണ് ചത്തത്. ആളുകള്‍ക്ക് നേരെയും പട്ടി കുരച്ച് ചാടിയിരുന്നു.
തെരുവ് നായശല്ല്യത്തിനെതിരെ നടപടി എടുക്കണമെന്ന് ആവശ്യപ്പെട്ട് നാട്ടുകാര്‍ ജില്ലാ കലക്ടര്‍ക്കുള്‍പ്പെടെ പരാതി നല്‍കിയിട്ടുണ്ട്.