മലപ്പുറം: എസ്.എം.എഫ് സംസ്ഥാന കമ്മിറ്റിക്ക് കീഴില്‍ ജനുവരി അവസാന വാരം ചെമ്മാട് ദാറുല്‍ഹുദായില്‍ നടക്കുന്ന സമസ്ത ഉമറാ സംഗമത്തില്‍ ജില്ലയിലെ മുഴുവന്‍ മഹല്ലുകളില്‍ നിന്നും പ്രതിനിധികള്‍ പങ്കെടുക്കണമെന്നും മേഖലാ പഞ്ചായത്ത് കമ്മിറ്റികള്‍ കണ്‍വന്‍ഷനുകള്‍ വിളിച്ചുചേര്‍ത്ത് പരിപാടി വിജയിപ്പിക്കാനാവശ്യമായ പ്രവര്‍ത്തനങ്ങള്‍ നടത്തണമെന്നും എസ്.എം.എഫ് ജില്ലാ കമ്മിറ്റി ആഹ്വാനം ചെയ്തു.
ലൈറ്റ് ഓഫ് മദീന പദ്ധതിയുടെ രണ്ടാം ഘട്ടമായി നടപ്പാക്കുന്ന ഉമറാ സംഗമം മഹല്ലുകളില്‍ സാമൂഹികമായും സാംസ്‌കാരികമായുമുള്ള സമുദ്ധാരണത്തിന് വഴിയൊരുക്കുമെന്ന് യോഗം അഭിപ്രായപ്പെട്ടു.എസ്.എം.എഫ് നിര്‍ദ്ദേശിക്കുന്ന കര്‍മപദ്ധതികള്‍ മഹല്ലുകളില്‍ പ്രായോഗികമായി നടപ്പാക്കുന്നതിന് ഇത്തരം സംരംഭങ്ങള്‍ സഹായകരമാകുമെന്നതിനാല്‍ മഹല്ലുകളില്‍ നിന്നും തെരെഞ്ഞെടുക്കപ്പെടുന്ന പ്രതിനിധികള്‍ സംഗമത്തില്‍ നിര്‍ബന്ധമായും പങ്കെടുക്കണം.സുന്നി മഹല്ല് ഫെഡറേഷന്‍ ജില്ലാ കമ്മിറ്റിയുടെ പ്രവര്‍ത്തക സമിതിയോഗം ചെമ്മാട് ദാറുല്‍ഹുദായില്‍ കെ.കെ.എസ് ആറ്റകോയ തങ്ങള്‍ നരിപ്പറമ്പ് ഉദ്ഘാടനം ചെയ്തു.
കാളാവ് സൈതലവി മുസ്്‌ലിയാര്‍ അധ്യക്ഷനായി.
യു.ശാഫി ഹാജി ചെമ്മാട്, ടി.എച്ച് അബ്ദുല്‍ അസീസ് ബാഖവി എന്നിവരും വിവിധ മേഖലകളെ പ്രതിനിധീകരിച്ച് കെ.എ റഹ്മാന്‍ ഫൈസി, കെ.എം സൈതലവി ഹാജി പുലിക്കോട്, വി.കുഞ്ഞുട്ടി മുസ്‌ലിയാര്‍,ഒ.കെ കുഞ്ഞിമാനു മുസ്‌ലിയാര്‍, പി.കെ രായിന്‍ ഹാജി,ഒ.പി കുഞ്ഞാപ്പു ഹാജി,പി.എ ജബ്ബാര്‍ ഹാജി, ബി.എസ്.കെ തങ്ങള്‍ എടവണ്ണപ്പാറ, കെ.മുഹമ്മദ് കുട്ടി ഫൈസി ആനമങ്ങാട്, കെ. അബ്ദുല്‍ ഖാദര്‍ ഫൈസി കുന്നുംപുറം, വി.മൂസ മൗലവി വളയംകുളം,പി. അബ്ദുറഹ്മാന്‍ മാസ്റ്റര്‍ പരുവമണ്ണ, യു.ഇബ്രാഹീം ഹാജി ചെമ്മാട്, ഹസൈന്‍ മാസ്റ്റര്‍ പെരുവള്ളൂര്‍,ഒ.പി അലി മാസ്റ്റര്‍, സി.എച്ച് ബഷീര്‍, പി.പി ജമാലുദ്ദീന്‍, എം. അലവി മാസ്റ്റര്‍ മഞ്ചേരി തുടങ്ങിയവര്‍ സംസാരിച്ചു.