കണ്ണൂര്‍: വിമാനത്താവളത്തില്‍ നിന്നുള്ള ഗോ എയറിന്റെ മുംബൈയിലേക്കുള്ള പ്രതിദിന സര്‍വിസ് ജനുവരി 10 മുതല്‍ തുടങ്ങും. കണ്ണൂരില്‍ നിന്നു എല്ലാദിവസവും രാത്രി 11നു പുറപ്പെട്ട് ഒന്നിനു മുംബൈയില്‍ എത്തുന്നതാണു ഷെഡ്യൂള്‍. തിരികെ എല്ലാദിവസവും രാത്രി 12.45 നു പുറപ്പെട്ടു 2.45 നു കണ്ണൂരിലെത്തും. ടിക്കറ്റ് ബുക്കിങ് ഗോ എയറിന്റെ വെബ്‌സൈറ്റില്‍ ആരംഭിച്ചു. ബംഗളൂരു, ചെന്നൈ, ഹൈദരാബാദ് എന്നിവിടങ്ങളിലേക്കാണു വിമാനത്താവളത്തില്‍ നിന്നുള്ള മറ്റു ആഭ്യന്തര സര്‍വിസ്. ബംഗളൂരു, ചെന്നൈ എന്നിവിടങ്ങളിലേക്കു യാത്രക്കാര്‍ കൂടുതാലായുണ്ടെങ്കിലും ഹൈദരാബാദിലേക്കു താരതമ്യേന കുറവാണ്.