കൊച്ചി: മോട്ടോര്‍ വാഹനവകുപ്പില്‍ ചട്ടംലംഘിച്ച് നിയമനം നടത്തിയ കേസില്‍ എ.ഡി.ജി.പി ടോമിന്‍ തച്ചങ്കരിക്കെതിരേ അന്വേഷണം തുടരാമെന്ന് ഹൈക്കോടതി. കേസില്‍ പ്രതിയായ മോട്ടോര്‍ വെഹിക്കിള്‍ ഇന്‍സ്‌പെക്ടര്‍ ശ്രീഹരി നല്‍കിയ ഹരജിയിലാണ് കോടതിയുടെ നിര്‍ദേശം.

കേസില്‍ തച്ചങ്കരി അടക്കം പ്രതിയായ എല്ലാവര്‍ക്കുമെതിരേ അന്വേഷണം തുടരാമെന്നും ഹൈക്കോടതി സിംഗിള്‍ ബെഞ്ച് അറിയിച്ചു. ഗതാഗത കമ്മീഷണറായിരിക്കെ തൃശൂര്‍ അടക്കമുള്ള സ്ഥലങ്ങളില്‍ നടത്തിയ ചില നിയമനങ്ങളാണ് വിജിലന്‍സ് അന്വേഷിക്കുന്നത്.