കുന്നുംകൈ: വെസ്റ്റ് എളേരി മൗക്കോട് ഗവ.എല്‍. പി സ്‌കൂളില്‍ സ്‌നേഹപൂര്‍വ്വം സുപ്രഭാതം പദ്ധതിക്ക് തുടക്കമായി.
പൂര്‍വ്വ വിദ്യാര്‍ഥി എ.ജി സ്വാലിഹ് സ്‌കൂള്‍ ലീഡര്‍ക്ക് സുപ്രഭാതം പത്രം നല്‍കി പദ്ധതി ഉദ്ഘാടനം ചെയ്തു.
പദ്ധതി പ്രകാരം ഒരു വര്‍ഷം സൗജന്യമായി പത്രം സ്‌കൂളില്‍ ലഭിക്കും. പി.ടി.എ പ്രസിഡന്റ് വി.കെ ഇബ്രാഹിംകുട്ടി ചടങ്ങില്‍ അധ്യക്ഷനായി.
സുപ്രഭാതം മലയോര മേഖല റിപ്പോര്‍ട്ടര്‍ എ ദുല്‍കിഫിലി പദ്ധതി വിശദീകരിച്ചു.
സ്‌കൂള്‍ ഹെഡ്മാസ്റ്റര്‍ മോഹനന്‍ മാസ്റ്റര്‍ സ്വാഗതം പറഞ്ഞു.
എസ്.വൈ.എസ് മണ്ഡലം സെക്രട്ടറി പി ഉമര്‍ മൌലവി, പി കെ അബ്ദുല്‍ ഖരീം മൌലവി, എം കെ റാഷിദ്, പി പി സി അബ്ദുല്‍ റഹ്മാന്‍, പി കെ അഷ്‌റഫ്, ടി എച്ച് ഖാദര്‍ എന്നിവര്‍ സംബന്ധിച്ചു.