ചേര്‍ത്തല: ട്യൂഷന്‍ സെന്ററില്‍ സഹപ്രവര്‍ത്തകയോട് അപമര്യാദയായി പെരുമാറിയെന്ന കേസില്‍ പിടിയിലായ മുതിര്‍ന്ന അധ്യാപകനെ കോടതി റിമാന്‍ഡ് ചെയ്തു.പട്ടണക്കാട് പഞ്ചായത്ത് 10ാം വാര്‍ഡ് ഉല്ലൂര്‍ നികര്‍ത്ത് വീട്ടില്‍ റെജിമോന്‍(42)നെയാണ് ചേര്‍ത്തല ജുഡീഷ്യല്‍ ഫസ്റ്റ് ക്‌ളാസ് മജിസ്‌ട്രേറ്റ് കോടതി 14 ദിവസത്തേയ്ക്ക് റിമാന്‍ഡ് ചെയ്തത്. 

വയലാര്‍ നാഗംകുളങ്ങര കവലയ്ക്ക് സമീപത്തെ ട്യൂഷന്‍ സെന്ററില്‍ തിങ്കളാഴ്ച രാവിലെ മഴമൂലം വൈകിയെത്തിയ അധ്യാപികയോട് ഇയാള്‍ മോശമായി പെരുമാറുകയും അസഭ്യം പറയുകയും ചെയ്‌തെന്നാണ് പരാതി. രണ്ട് വര്‍ഷം മുമ്പ് വിദ്യാര്‍ത്ഥിയെ മര്‍ദ്ദിച്ചതിന് റെജിക്കെതിരെയുള്ള കേസ് ഇപ്പോള്‍ കോടതിയുടെ പരിഗണനയിലാണ്.ചേര്‍ത്തല ഫയര്‍‌സ്റ്റേഷനിലെ ജീവനക്കാരന്‍ കൂടിയാണ് റെജിമോന്‍.