പട്ടാമ്പി: കൊടുമുണ്ടയില്‍ അഞ്ചു ദിവസം മുമ്പ് ദുരൂഹ സാഹചര്യത്തില്‍ വയോധികന്‍ മരിച്ച സംഭവത്തില്‍ മകനെ പട്ടാമ്പി പൊലിസ് അറസ്റ്റ് ചെയ്തു. കുരുത്തോലയില്‍ കുഞ്ഞുമുഹമ്മദ് മുസ്‌ലിയാരാണ് മരിച്ചത്. ദേഹപരിശോധനയില്‍ തലക്ക് ക്ഷതമേറ്റതായി കണ്ടത്തുകയും അസ്വഭാവിക മരണത്തിന് കേസെടുക്കുകയും ചെയ്തിരുന്നു. സംഭവത്തെ തുടര്‍ന്ന്് വിശദമായ അന്വേഷണം നടത്തിയപ്പോഴാണ് ഇളയമകന്‍ അബ്ദുള്‍ റഹീമിനെ(28) പിടികൂടിയത്. കുടുംബ വഴക്കിനെ തുടര്‍ന്ന് ഇഷ്ടിക കൊണ്ട് മകന്‍ തലക്കടിക്കുകയായിരുന്നുവെന്ന് പൊലിസ് പറയുന്നു. അബ്ദുള്‍ റഹീമിനെ തിരൂരില്‍ നിന്നാണ് പൊലിസ് പിടികൂടിയത്. പട്ടാമ്പി എസ്.ഐ അജീഷ്, സത്യന്‍, ഗിരീഷ്, സി.പി.ഒ ബിജുമോന്‍, പ്രകാശന്‍, രാകേഷ് എന്നിവരടങ്ങിയ പൊലിസ് സംഘം അന്വേഷണത്തിന് നേതൃത്വം നല്‍കി.